Rtv Pendimi
Samet Tours
Good life Restaurant
auto lider
Lajme

Dega e shoqatës “Bereqeti” në Prishtinë shpërndau 250 pako ushqimore

Muslim Shop

Aktivitetet e Shoqatës Humanitare Bamirëse “Bereqeti”, e cila vepron në kuadër të Bashkësisë Islame të Kosovës, sot kanë vazhduar me shpërndarjen e 250 pakove ushqimore, donacion nga Emiratet e Bashkuara Arabe.

Këto ndihma u shpërndanë në degën e shoqatës në Prishtinë, përkatësisht në xhaminë “Pavarësia”.

Imami i kësaj xhamie, njëherësh koordinator i shoqatës “Bereqeti”, dega në Prishtinë, Nexhmi ef. Hoxha, tha se këto ndihma janë shumë të mirëpritura nga qytetarët tanë, sidomos gjatë muajit të Ramazanit. “Shoqata “Bereqeti” në vazhdimësi po mundohet të jetë pranë qytetarëve të cilët kanë nevojë për ndihmat e bamirësve. Këtë herë kemi një donacion nga shoqatat “Gjysmëhëna e kuqe” dhe fondacioni “Khalifa bin Zajed”, nën mbikëqyrjen e Ambasadës së Emirateve të Bashkuara Arabe, të cilët sot kanë shpërndarë 250 pako ushqimore. Falënderojmë Qeverinë e Emirateve dhe popullin e saj për ndihmën e vazhdueshme që kanë dhënë dhe po japin për popullin e Kosovës.”

Hoxha gjithashtu tregoi edhe për aktivitetin e shoqatës “Bereqeti” përgjatë këtyre ditëve të Ramazanit, duke potencuar se që nga fillimi i muajit të Ramazanit, ne si shoqatë, kemi shpërndarë mbi 1000 pako ushqimore, nga donatorë të ndryshëm, qoftë vendorë apo edhe donacione nga shtete tjera, siç është donacioni nga Republika e Turqisë, apo edhe tani nga Emiratet e Bashkuara Arabe.

“Zoti i shpërbleftë me të mirat e Tij të gjithë donatorët, të cilët u janë gjendur pranë njerëzve në nevojë”, u shpreh Hoxha.

Andan Ajeti shprehet shumë falënderues ndaj shoqatës “Bereqeti”, të cilët gjithnjë po ndihmojnë me ndihma të nevojshme. “Këto ndihma janë shumë të nevojshme, sidomos gjatë muajit të Ramazanit. I falënderoj të gjithë donatorët.”

Bahrije Gashi, njëra nga përfitueset e këtyre ndihmave, tregon se këto ndihma sado pak po ua lehtësojnë kalimin e këtyre ditëve të Ramazanit. “Jemi 19 anëtarë në familje, dhe ndihmat e shoqatës “Bereqeti” janë shumë të mirëseardhura, për çka edhe i falënderojmë shumë.”

Shoqatat “Gjysmëhëna e kuqe” dhe “Khalifa bin Zajed” gjatë ditëve të ardhshme, do të shpërndajnë gjithsej 2600 pako në tërë Republikën e Kosovës.

Të ngjajshme

“Investimet në spitale janë për një mjekësi moderne në Kosovë”

Kushtrim Guraj

Rtv Pendimi ju uronë festën e Kurban Bajramit

Kushtrim Guraj

Indonezi, gruaja kurseu duke mbledhur mbeturina 26 vite për të udhëtuar në Haxh

Qëndrim Ibrahimi

Spanjë, shpëtohen 59 migrantë në Mesdhe

Kushtrim Guraj

Turqi, gjenden mbishkrime të lashta 883 vjet

Kushtrim Guraj

Studentët dhe nxënësit nga Shqipëria do të vizitojnë Turqinë

Kushtrim Guraj

Me karrocë drejt Haxhit: Rrëfimi i 34-vjeçarit nga Vushtrria, ëndrra e të cilit tanimë është realitet

Kushtrim Guraj

Edhe një doktore shkence i shtohet Kosovës

Hevzi Hasani

Turqia shpall vendimet e Këshillit të Lartë Ushtarak

Kushtrim Guraj