Rtv Pendimi
Lajme

Në Shkup shënohet Dita e Drejtorisë së Doganave

Drejtoria e Doganave vitin e kaluar ka arkëtuar gjithsej 1,43 miliardë euro që është për 160 milionë euro më shumë, respektivisht 11 për qind më shumë në krahasim me vitin 2017, tha sot drejtori i Drejtorisë së Doganave, Gjoko Tanasoski, me rastin e shënimit të 14 Prillit, Ditës së Drejtorisë së Doganave, raporton Anadolu Agency (AA).

Drejtoria e Doganave të Maqedonisë së Veriut në manifestimin me rastin e 14 Prillit, Ditës së Drejtorisë së Doganave, promovoi konceptin e ri “Dogana digjitale”, ndërsa gjithashtu ka prezantuar raportin vjetor për punën e Drejtorisë së Doganave në vitin 2018.

Në ceremoninë e inaugurimit me rastin e shënimit të 14 Prillit, Ditës së Drejtorisë së Doganave, i pranishëm ishte edhe kryeministri i Maqedonisë së Veriut, Zoran Zaev.

Në fjalimin e tij para të pranishmëve, kryeministri Zaev tha se Drejtoria e Doganave dhe të punësuarit në dogana paraqesin kontaktin e parë me vendin tonë dhe ata janë fytyra e Republikës së Maqedonisë së Veriut.

“Si rezultat i punës së ndershme dhe me përkushtim, Drejtoria e Doganave u tregua si pjesëmarrës serioz dhe prej më të rëndësishmëve në mbushjen e të ardhurave në buxhetin e shtetit tonë. Këto fakte në vete flasin se sa është i rëndësishëm roli i Drejtorisë së Doganave në krijimin e ambientit ekonomik të shtetit”, theksoi Zaev.

Zv/ministrja e Financave, Shirete Elezi, në fjalimin e saj tha se Ministria e Financave dhe Drejtoria e doganave bashkarisht do të vazhdojnë t’i zbatojnë reformat në këtë sektor.

“Vetëm së bashku mund t’u përgjigjemi sfidave të reja që na presin. Digjitalizimi modern i Drejtorisë së Doganave do të përmirësojë tregtinë dhe transportin dhe me këtë edhe ekonominë tonë në përgjithësi”, theksoi Elezi, duke shtuar se obligimi i tyre është që të sigurojnë sistem të sigurt, të drejtë dhe të qëndrueshëm, ndërsa këu rolin qendror e ka Drejtoria e Doganave.

Drejtori i Drejtorisë së Doganave, Gjoko Tanasoski, në manifestimin e sotëm prezantoi raportin vjetor për punën e Drejtorisë së Doganave për vitin 2018.

“Nëse vitin e kaluar paralajmëruam digjitalizimin, këtë vit na pret realizimi i digjitalizimit në përputhje me vizionin tonë që të bëhemi drejtoria udhëheqëse në rajon sipas standardeve më të larta evropiane, e njëkohësisht të mbesim besnik mbrojtjes së interesave financiare të shoqërisë sonë”, tha Tanasoski, duke theksuar se Drejtoria e Doganave vitin e kaluar ka arkëtuar gjithsej 1,43 miliardë euro që është për 160 milionë euro më shumë, respektivisht 11 për qind më shumë në krahasim me vitin 2017.

Në manifestimin e sotëm i pranishëm ishte edhe këshilltari kryesor për çështje ekonomike pranë Ambasadës së Turqisë në Shkup, Bünyamin Kutlu.

Të ngjajshme

Grupi i shkencëtarëve nga Turqia përgatit “Raport mbi tërmetin në Shqipëri”

Urim Isma

Joseph Nye: “SHBA dhe Turqia kanë më shumë interesa sesa dallime”

Urim Isma

Kurti premton marrëveshje me Mustafën para seancës konstituive

Urim Isma

Disa shkolla nuk janë në grevë, procesi mësimor i rregullt

Urim Isma

Masat për përmirësimin e ajrit të vonuara

Urim Isma

Shqipëri, tryezë diskutimi për mbrojtjen e mjedisit

Urim Isma

Izrael, mesazhe fyese për Profetin Muhamed në shtëpitë e palestinezëve

Urim Isma

Erdoğan: Turqia së shpejti do të fillojë projektin “Kanali i Stambollit”

Urim Isma

Të premten grevë në gjithë sistemin arsimor të Kosovës

Urim Isma