Rtv Pendimi
auto lider
Samet Tours
Good life Restaurant
Lajme

Ngrihet flamuri i NATO-s para godinës se Qeverisë së Maqedonisë

Muslim Shop

Në një ceremoni solemne sot në shtizën para Qeverisë së Republikës së Maqedonisë u ngrit flamuri i NATO-s, menjëherë pranë atij shtetëror, raporton Anadolu Agency (AA).

Në këtë solemnitet morën pjesë kori diplomatik, atashetë ushtarake të vendeve anëtare të NATO-s, deputetët e Parlamentit të Maqedonisë dhe përfaqësues të Qeverisë.

Solemniteti filloi me intonimin e himnit të Maqedonisë nga ana e orkestrës ushtarake. Më pas Zoran Jankoviq, shefi i zyrës së NATO-s për lidhje në Shkup, ia dorëzoi kryeministrit të vendit Zoran Zaev flamurin e NATO-s, i cili më pas ia dorëzoi Armatës së Republikës së Maqedonisë (ARM).

Me intonimin e himnit të NATO-s, flamuri i Aleancës u ngrit në shtizë, menjëherë pranë atij shtetëror.

Zaev me këtë rast, duke theksuar se kjo është një faqe e re në historinë e Maqedonisë, tha se meritën më të madhe e kanë qytetarët të cilët guximshëm hapëruan dhe kërkuan ardhmërinë që e meritojnë.

“Sot këtu e ngrisim flamurin e NATO-s i cili së bashkë me atë evropian dhe me flamurin tonë përcaktojnë ardhmërinë tonë dhe brezave tanë. Kjo nuk është simbolikë, ky është realitet, kjo është një faqe e re në historinë tonë”, theksoi Zaev.

Ai veçmas falënderoi kryeministrin e Greqisë, Alexis Tsipras, për vizionin dhe guximin për të zgjidhur problemin me emrin.

“Veçmas falënderoj kryeministrin e Greqisë, mikun tim Alexis Tsipras, për vizionin dhe guximin e fuqishëm, të përcaktohemi për të gjetur zgjidhje për një problem, për shumëkënd të pazgjidhur. Zgjidhje e cila do të jetë shembull dhe nxitje për marrëveshje kompromisi mes fqinjëve në Ballkan. Kjo do t’i fshijë memoaret e këqija për Ballkanin që ende ekzistojnë në vetëdijen e shumë evropianëve. Ky është një akt shumë i madh historik për afirmimin e kësaj pjese të Ballkanit që ishte margjinalizuar si një provincë e thellë evropiane”, theksoi Zaev.

Ai në adresimin e tij po ashtu theksoi se Maqedonia, pas pritjeve me dekada, prej rrugës dytësore ballkanike arriti të kthehet në autostradën kryesore drejt Evropës.

Zaev për ditën e sotme falënderoi të gjithë ish-presidentët e shtetit, deputetët, ARM-në, ish-ministrin grek të Punëve të Jashtme Nikos Kotzias dhe atë aktual të Maqedonisë Nikolla Dimitrov, të cilët negociuan për marrëveshjen, me të cilën Maqedonisë iu hap rruga drejt integrimeve euroatlantike.

Të ngjajshme

Shqipëri, haxhinjtë kthehen nga tokat e shenjta

Kushtrim Guraj

“Investimet në spitale janë për një mjekësi moderne në Kosovë”

Kushtrim Guraj

Rtv Pendimi ju uronë festën e Kurban Bajramit

Kushtrim Guraj

Indonezi, gruaja kurseu duke mbledhur mbeturina 26 vite për të udhëtuar në Haxh

Qëndrim Ibrahimi

Spanjë, shpëtohen 59 migrantë në Mesdhe

Kushtrim Guraj

Turqi, gjenden mbishkrime të lashta 883 vjet

Kushtrim Guraj

Studentët dhe nxënësit nga Shqipëria do të vizitojnë Turqinë

Kushtrim Guraj

Me karrocë drejt Haxhit: Rrëfimi i 34-vjeçarit nga Vushtrria, ëndrra e të cilit tanimë është realitet

Kushtrim Guraj

Edhe një doktore shkence i shtohet Kosovës

Hevzi Hasani