Rtv Pendimi
Lajme

Thaçi në Bruksel: Arritja e marrëveshjes nuk do të jetë e lehtë

Dialogu për arritjen e një marrëveshje juridikisht të obligueshme mes Kosovës dhe Serbisë nuk do të jetë i lehtë, por kjo është mundësia më e mirë që të shkohet përpara drejt perspektivave evropiane, deklaroi presidenti i Kosovës Hashim Thaçi në Bruksel para fillimit të vazhdimit të dialogut me ndërmjetësim të përfaqësueses së lartë të BE-së, Federika Mogherini, raporton Anadolu Agency (AA).

Thaçi u tha gazetarëve se takimi i sontëm me presidentin e Serbisë Aleksandar Vuçiç është nga vargu i takimeve në kuadër të procesit final në tentim të gjetjes së mundësive për arritjen e marrëveshjes finale mes shtetit të Kosovës dhe Serbisë.

Presidenti kosovar theksoi se kjo marrëveshje do të ishte ligjërisht obliguese në nivelin ndërkombëtar për të dyja palët, dhe do të ishte “marrëveshje gjithpërfshirëse që nënkupton njohje reciproke dhe mundësi të anëtarësimit të Kosovës në Kombet e Bashkuara”.

“E di se nuk do të jetë e lehtë, ka vështirësi, ka pengesa, kundërshtime, por arritja e marrëveshjes është mundësia më e mirë që të shkohet përpara drejt perspektivës evropiane për të dyja vendet dhe popujt tanë. Andaj do të bëjmë përpjekje maksimale që të afrojmë qëndrimet në interes të arritjes së marrëveshjes”, tha Thaçi.

Aspiratet e Kosovës, shtoi ai, është të ketë marrëdhënie të mira fqinjësore me të gjitha vendet, si dhe me Serbinë, për të shkuar drejt NATO-s dhe Bashkimit Evropian dhe për të hapur perspektivë globale për shtetin e Kosovës.
Siç njoftoi më herët në Bruksel, së pari do të zhvillohen takime dypalëshe midis BE-së dhe Kosovës dhe BE-Serbisë, e ndjekur nga një darkë pune e përbashkët e të tre palëve.

Të ngjajshme

Autoritetet izraelite arrestuan imamin e Xhamisë Al-Aksa

Kushtrim Guraj

Avionët ushtarakë amerikanë fluturuan mbi Shkup, përshëndetën anëtarësimin në NATO

Kushtrim Guraj

Dr Zekerija Bajrami kundërshtoi Sulejman Rexhepin për plot dhjetë vite

Hevzi Hasani

Mekë, nga 31 maji zbutje graduale e masave lidhur me COVID-19

Kushtrim Guraj

Nga nesër hapen xhamitë në Kosovë, BIK-u publikon rregullat që duhet të ndiqen

Kushtrim Guraj

Maqedoni e Veriut, shkarkohet kreu i BFI-së Sulejman Rexhepi

Kushtrim Guraj

Thaçi viziton Odën Ekonomike të Kosovës, diskutohet gjendja ekonomike pas pandemisë

Kushtrim Guraj

Turqia dërgon ndihma mjekësore në Çad

Kushtrim Guraj

Muslimanët në dy qytete të Sirisë shënojnë në paqe Bajramin

Kushtrim Guraj

* Nëse radiot nuk funksionojnë, Kliko KËTU