Rtv Pendimi
Lajme

Xhaçka: Siguri e shtuar për perimetrin e aeroportit

Efektivët e Policisë Ushtarake të Shqipërisë, pas grabitjes që ndodhi dy ditë më parë, kanë vazhduar patrullimin e perimetrit të sigurisë së Aeroportit Ndërkombëtar “Nënë Tereza”, në territorin e të cilit ndodhet edhe pista që përdoret për fluturime ushtarake nga Forcat e Armatosura të Shqipërisë dhe vendet anëtare të NATO-s, transmeton Anadolu Agency (AA).

Ndërkohë, efektivë të Batalionit të Forcave Speciale të Ushtrisë së Shqipërisë qëndrojnë në gatishmëri brenda Komandës së Forcës Ajrore, ka njoftuar Ministria e Mbrojtjes e Shqipërisë.

Ministrja e Mbrojtjes e Shqipërisë, Olta Xhaçka, ka vizituar sot Komandën e Forcës Ajrore, e cila ndodhet pak metra larg aeroportit në Rinas.

Xhaçka, në një deklaratë për mediat tha se nuk ka dislokim, por ka vetëm siguri të shtuar për perimetrin e aeroportit dhe Komandës së Forcës Ajrore, siguri të cilën, sipas saj, Policia Ushtarake e ka në misionin e saj.

“Deri në rivendosjen e masave të sigurisë dhe moscenimit të aeroportit, ne do të jemi këtu, sepse kemi një detyrim ligjor. Nuk kemi luftë, nuk kemi situatë të cenimit të sigurisë kombëtare ku do të duhet të kishim marrë një miratim të Parlamentit dhe jo të presidentit. Pothuajse gjysma e pistës është infrastrukturë ushtarake, pra i takon Komandës së Forcës Ajrore dhe gjysma tjetër është për përdorim civil. Aeroporti ‘Nënë Tereza’ është infrastrukturë kritike edhe e NATO-s po ashtu, sepse këtu ulen edhe avionë ushtarakë”, ka deklaruar Xhaçka.

Kujtojmë se një person mbeti i vdekur pas grabitjes së ndodhur më 9 prill në Aeroportin Ndërkombëtar “Nënë Tereza”, në Rinas.

Disa persona me maska dhe armë pasi kanë thyer derën e rrethimit që përdoret nga shërbimet zjarrfikëse, kanë grabitur një sasi parash në pistën e avionëve. Gjatë ndjekjes autorët e grabitjes kanë shkëmbyer zjarr me policinë, ndërsa gjatë këtij shkëmbimi ka humbur jetën njëri prej autorëve të grabitjes.

Ngjarja shkaktoi reagimin e zyrtarëve të lartë të vendit, ndërsa ministrja e Mbrojtjes e Shqipërisë, Olta Xhaçka, ka urdhëruar që në perimetrin e sigurisë së aeroportit të vendosen efektivë të Policisë Ushtarake dhe Batalionit Special të Forcave të Armatosura të Shqipërisë.

Të ngjajshme

Tërnava takohet me ministrin saudit, Arabia Saudite e gatshme për ta ndihmuar Kosovën

Urim Isma

Osmani takon diplomatët norvegjez: Qeveria e ardhshme do të udhëhiqet nga njerëz të pakorruptuar

Urim Isma

Bombonjerë në formë të Shqipërisë së Madhe në raftet e Serbisë

Urim Isma

Presidenti Thaçi: Feja në Kosovë në shërbim të forcimit të paqes dhe tolerancës

Urim Isma

Në Kosovë ka shkallë të ulët të ndëshkimit të korrupsionit

Urim Isma

Shpalosi në Tivar flamurin shqiptar, gjobitet 300 euro dhe dëbohet nga Mali i Zi

Urim Isma

Moti i keq në Itali, përmbytet për herë të tretë Venecia

Urim Isma

Ndotja e ajrit mund të shkaktojë “mjegulla vrasëse” në qytetet e mëdha

Urim Isma

Shqipëri, mbahet aktiviteti “Pejgamberi Muhamed dhe familja”

Kushtrim Guraj