Rtv Pendimi
Shëndetësi

Zvogëlojeni dhimbjen e shpinës duke marrë vitaminë D

imbja e shpinës është problem shëndetësor i shumë njerëzve anë e mbanë botës. Lloji më i njohur është dhimbja në pjesën e poshtme të shpinës, njohur ndryshe si ‘lumbago’.

Megjithëse dhimbja në shpinë zakonisht nuk është shenjë e ndonjë problemi serioz shëndetësor, disa njerëz e përjetojnë shpeshherë gjatë jetës së tyre, transmeton Telegrafi.

Te disa tjerë, dhimbja mund të zhduket vetvetiu pas disa ditëve, javëve apo muajve.

Disa njerëz fillojnë të kenë problem me dhimbje të shpinës si rezultat i ndonjë lëndimi apo ndrydhje, por te disa, dhimbja mund të shfaqet pa ndonjë arsyet ë caktuar.

Megjithatë, siç tregojnë ekspertët, shkaktar i dhimbjes së shpinës mund të jetë edhe mungesa e vitaminës D.

Vitamina D ndihmon në rregullimin e sasisë së kalciumit dhe fosfatit në trup – nutrientë të cilët nevojiten për t’i mbajtur të shëndetshëm eshtrat, dhëmbët dhe muskujt.

Mungesa e kësaj vitamine mund të shpijë në probleme të ndryshme me eshtra, por edhe ta shkaktojë dhimbjen në pjesën e poshtme të shpinës.

Sipas ekspertëve shëndetësorë, shumicës së njerëzve u duhen 10 mikrogramë vitaminë D në ditë për të pasur nivele të shëndetshme.

Pasi që rrezet e diellit janë burimi kryesor i vitaminës D, zakonisht është e mundur ta merrni këtë sasi të rekomanduar duke shpenzuar kohë jashtë gjatë stinës së verës dhe pranverës.

Sidoqoftë, gjatë vjeshtës dhe dimrit, nuk ka mjaftueshëm rreze të diellit që lëkura t’i absorbojë nivelet adekuate të vitaminës D, por mund ta merrni këtë vitaminë si suplement.

Përndryshe, vitamina D gjendet edhe në disa ushqime, duke përfshirë në peshk, mish të kuq, të verdhë të vezës, etj. /Telegrafi/

Të ngjajshme

Si t’i shëroni thembrat e çara në mënyrë natyrale?

Kushtrim Guraj

Ramazani – muaji i shëndetit

Hevzi Hasani

Përgatitni trupin tuaj për Ramazan me këto këshilla për shëndetin

Kushtrim Guraj

Epidemia e Covid 19 po merr ngadalë rrjedhën e zakonshme të çdo infeksioni viral sezonal

Kushtrim Guraj

Mbrojtja më e mirë kundër çdo virusi

Kushtrim Guraj

A e dini nga vjen fjala Karantena ?

Hevzi Hasani

Stresi dhe shëndeti

Qëndrim Ibrahimi

S’do ju vijë kurrë moment më i mirë për të lënë cigaren

Qëndrim Ibrahimi

COVID 19 – çfarë duhet vepruar

Hevzi Hasani

* Nëse radiot nuk funksionojnë, Kliko KËTU