Porosi kushtuar motrave!
Sot lexova diçka të çuditshme. Fjala është për fatin e keq të një nuseje, e cila vdiq ditën e dasmës së saj. Sikur që është bërë traditë edhe ndër ne, nuset shpenzojnë shumë që ditën e dasmës së tyre të duken më së miri. Ato janë protagoniste kryesore të dasmave andaj duhet të kenë një dukje më mirë se të tjerat. Edhe protagonistja e këtij rrëfimi e kishte menduar këtë. Dëshironte të dukej më së miri, madje ashtu që deri më tani nuk kishin parë askund. Shkoi në sallonin e bukurisë dhe kërkoi që t’i bëhej një stil i veçantë i flokëve. Kjo kishte nevojë për një parukë të rrallë dhe të çuditshme. E kërkuan dhe e gjetën. Ia sollën dhe e zbukuruan. Ishte interesante. Njerëzve iu pëlqeu pamja e saj. U ul në karrigen e nuses por diç i lëvizte në kokë. Pas pak, ra e vdekur në dysheme. Pas obduksionit, u vërtetua se paruka kishte qëndruar në një vend ku ishte mbushur me insekte helmuese. Ato e kishin thumbuar dhe për pasojë kishte gjetur vdekjen.
Athua vallë, e mendojnë nuset tona vdekjen në ditën e dasmës së tyre?!
Vështirë për ta besuar por jo edhe vështirë për t’iu ndodhur.
Përshtati: Sedat ISLAMI