Dita Botërore e Hixhabit – Konferenca e 7-të
Dita Botërore e Hixhabit u shënua më 1 Shkurt për të rritur ndërgjegjësimin dhe mirëkuptimin mbi hixhabin si simbol të besimit, lirisë dhe gjithëpërfshirjes. Në konferencën e 7-të, u diskutua mbi rolin e hixhabit në identitetin dhe fuqizimin e gruas, sfidat dhe perceptimet e tij në shoqëri, si dhe rëndësia e mbështetjes ndaj grave që zgjodhën ta mbajnë atë. Studiues, aktivistë dhe personalitete të njohura ndanë perspektivat e tyre mbi këtë temë me rëndësi globale.
Mbulesa nuk është vetëm një veshje, por një urdhër hyjnor. Nëpërmjet saj, gratë muslimane manifestojnë bindjen dhe përkushtimin e tyre ndaj Zotit dhe njëkohësisht sfidojnë stereotipet dhe keqkuptimet që mund të ekzistojnë rreth saj.
Kjo ditë është një mundësi për të reflektuar mbi hixhabin si një akt adhurimi, një simbol i devotshmërisë dhe një shprehje e fuqisë dhe identitetit të gruas muslimane.
Në këtë Konferencë patëm nderin që në mesin tonë të kemi një panel të përzgjedhur me kujdes, të përbërë nga individë që kanë dhënë një kontribut të çmuar në promovimin e hijabit dhe forcimin e identitetit të gruas muslimane në shoqëri.
Kjo Konferencë ishte një mundësi reflektimi mbi domethënien e hixhabit, forcën dhe bukurinë që ai përfaqëson, si dhe sfidat dhe krenarinë që sjell mbajtja e tij. Ishte një ditë frymëzuese, e mbushur me fjalime të mençura, diskutime të vlefshme dhe përvoja të ndjera që na kujtojnë rëndësinë e devotshmërisë dhe identitetit tonë islam.
Vazhdo leximin
