Nëse e lini telefonin tuaj celular në karikues para gjumit për tu përshëndetur me një bateri të plotë në mëngjes, do të ishte mirë të ndalonit.

Gjegjësisht, USA Today kontrolloi atë që thonë tre prodhuesit e mëdhenj, Apple, Samsung dhe Huawei, dhe të gjithë ranë dakord që ju të mos e karikonit celularin tuaj brenda natës, transmeton Telegrafi.

Apple dhe Samsung deklarojnë se nuk është mirë që bateria të jetë në karikues për një kohë të gjatë dhe Huawei beson se është optimale që ngarkesa e baterisë të jetë midis 30 dhe 70 për qind.

Ekspertët këshillojnë që është më mirë të karikoni baterinë para se të flini, në vend që ta lini atë në karikues brenda natës, pa pasur nevojë të karikoni plotësisht baterinë.

Gjithashtu, është një ide e mirë të mos prisni që bateria të shkarkohet plotësisht para se ta karikoni.

Jetëgjatësia e baterisë ndikohet gjithashtu nga temperatura në të cilën ju mbani telefonin. Dhe është gjithmonë më mirë ta mbani më të freskët sepse temperaturat e larta shkurtojnë jetën e baterisë. Prandaj, mbajtja e një telefoni celular nën jastëk ose lënia e tij në diell nuk është aspak një ide e mirë.

Nëse akoma e karikoni telefonin gjatë natës, në rast se zgjoheni dhe vëreni se bateria është e mbushur, hiqeni nga karikuesi. Nuk do të ndihmojë shumë, por as nuk do të dëmtojë. /Telegrafi/