Rtv Pendimi
Lajme

Ademi: Arsimi profesional është prioritet i Ministrisë së Arsimit dhe Shkencës

Ministri i Arsimit dhe Shkencës i Maqedonisë së Veriut, Arbër Ademi, ka marrë pjesë në debatin publik për themelimin e qendrave rajonale për arsim profesional dhe trajnim, ku është shprehur se kjo është prioritet i Ministrisë së Arsimit dhe Shkencës, raporton Anadolu Agency (AA).

Para fillimit të debatit publik, Ademi bashkë me përfaqësuesin e Fondacioni Evropian për Trajnime (ETF), Julian Stanley, dhanë deklarata për mediat ku theksuan rëndësinë e qendrave rajonale për arsim profesional dhe trajnim si dhe përfitimet që sjellin të njëjtat.

Ministri Ademi tha se do të diskutohet për themelimin e tre qendrave të këtilla në tre rajone të Maqedonisë së Veriut, në rajonin e Pollogut, rajonin Verilindor dhe atë Jugperëndimor.

“Sot kemi nderin dhe kënaqësinë që së bashku me ETF, së bashku me përfaqësues të delegacionit të Bashkimit Evropian të diskutojmë për arsimin e mesëm profesional si dhe për trajnimet dhe gjithashtu të prezantojmë para opinionit themelimin e tre VET qendrave, qendrave regjionale për arsim profesional dhe trajnim, të cilat do të jenë në shërbim të fëmijëve tanë, do të jenë në shërbim të të gjithë qytetarëve tanë të cilët janë të interesuar për të arritur një shkallë të caktuar të kualifikimit, rikualifikimit e kështu me radhë”, tha Ademi.

Julian Stanley, përfaqësuesit i Fondacionit Evropian për Trajnime (ETF), që është agjenci e BE-së tha se nga qendrat rajonale për profesionalizim përfitojnë të gjithë, e në veçanti industria.

“ETF e mbështet Ministrinë tashmë një vit për të zhvilluar idetë por edhe që t’i vazhduar më tej përmes konsultimeve. Ne i shohim këto qendra rajonale për profesionalizim si një mundësi shumë të rëndësishme si për zhvillimin e cilësisë së shkollave profesionale në rajonet, por edhe për të kontaktuar me punëdhënësit”, tha Stanley.

Gjatë debatit publik u diskutua për politikat, masat dhe aktivitetet që duhet të ndërmerren në drejtim të themelimit dhe funksionalizimit të këtyre qendrave rajonale për arsim profesional dhe trajnim. Ministri Ademi rikujtoi se themelimi i këtyre qendrave bëhet me mbëhtetje të fondeve nga programi IPA 2.

Të ngjajshme

BE, strategjia e rimëkëmbjes në forcimin e teknologjisë së pastër dhe të gjelbër

Kushtrim Guraj

OKB nuk arriti të mbledhë fondin humanitar prej 2,4 miliardë dollarë për Jemenin

Kushtrim Guraj

OKB dërgon mbi 100 maune me ndihma në Idlib

Kushtrim Guraj

Kosovë, seanca për votimin e qeverisë së re do të mbahet të mërkurën

Kushtrim Guraj

Turqia u bën thirrje të rinjve të suksesshëm të vazhdojnë arsimimin në vend

Kushtrim Guraj

Turqia hap një spital tjetër të urgjencave në Stamboll

Kushtrim Guraj

Thaçi: Është hapur rruga për krijimin e qeverisë së re

Kushtrim Guraj

Qeveria e Kosovës shton masa të reja të reciprocitetit tregtar me Serbinë

Kushtrim Guraj

Arabia Saudite hap xhamitë, pezullimi vazhdon në Mekë

Kushtrim Guraj

* Nëse radiot nuk funksionojnë, Kliko KËTU