Rtv Pendimi
Lajme

Astana, fillon raundi i 11-të i bisedimeve të paqes për Sirinë

Me takimin e delegacioneve të Rusisë dhe regjimit të presidentit sirian, Bashar al-Assad, sot në Astana filloi raundi i 11-të i bisedimeve të paqes për Sirinë, raporton Anadolu Agency (AA).

Delegacionet nga Moska dhe Damasku këtë mëngjes zhvilluan një takim konsultativ në kryeqytetin e Kazakistanit, kurse gjatë ditës dhe nesër takimeve do t’i bashkohen edhe delegacionet e Turqisë, Iranit dhe opozitës siriane.

Kreu i delegacionet rus dhe Aleksandr Lavrantie, i dërguari i posaçëm i presidentit të Rusisë Vladimir Putin për Sirinë, tha se këtë mëngjes pjesë e negociatave do të jenë çështjet e formimit të komisionit kushtetues, situata në Idlib, problemet e refugjatëve dhe lufta kundër terrorizmit.

Në të njëjtën kohë, gjatë bisedimeve dyditore, delegacionet gjithashtu do të mbajnë një takim të ri të grupit të punës për të organizuar shkëmbimin e të burgosurve në Siri. Javën e kaluar, ky grup kreu shkëmbimin e dhjetë të burgosurve.

Në Astana ka mbërritur edhe i dërguari i posaçëm në largim i Kombeve të Bashkuara (OKB) për Sirinë, Staffan de Mistura. Ai në një konferencë të shkurtër për mediat shprehu shpresën se do të arrihet progres konkret në formimin e komisionit për hartimin e kushtetutës së re në Siri.

Burime të afërta me opozitën siriane, thonë se kreu i delegacionit Ahmad Tuma do të insistojnë që të negociohet edhe rreth arrestimeve të rastësishme dhe krijimit të kushteve adekuate për kthimin e refugjatëve dhe rindërtimin e Sirisë.

Së shpejti në Astana një takim konsultativ do të mbajë dhe delegacioni i Turqisë dhe forcat opozitare nga Siria, si dhe delegacionet e Turqisë, Rusisë dhe Iranit.Negociatat kryesore do të mbahen nesër, kur të gjitha delegacionet do të ulen në tryezën e negociatave.

Delegacionet e Turqisë dhe Iranit udhëhiqen nga zëvendësministrat e Punëve të Jashtme, Secat Onal dhe Hussein Ansari.

Me ndërmjetësimin e Turqisë, Rusisë dhe Iranit, bisedimet e paqes për Sirinë në Astana filluan në janar të vitit të kaluar. Delegacionet u takuan në Astana në nëntë raste dhe raundi i fundit i negociatave u mbajt në Soçi të Rusisë.

Qëllimi i procesit të paqes është vendosja e armëpushimit dhe zgjidhja e krizës së thellë në Siri, e cila ka qenë skena e një lufte civile për 7 vite.

I gjithë procesi është nën kujdesin e OKB-ve dhe janë ndërmarrë hapa pozitivë për të zgjidhur krizën politike në Siri.

Janë përcaktuar zona të veçanta të de-eskalimit për të cilat është arritur armëpushim. Komisionet e posaçme punojnë në përgatitjen e shkëmbimit të të burgosurve, kurse në takimin e fundit në Soçi filloi procesi i formimit të një komisioni për hartimin e kushtetutës së re të Sirisë.

Të ngjajshme

LAJMI I FUNDIT: 214 raste të reja me koronavirus në Kosovë

Kushtrim Guraj

Familjet e viktimave të Srebrenicës, pas 25 vitesh do t’i varrosin të dashurit e tyre

Kushtrim Guraj

“Turqia edhe në kushte të jashtëzakonshme ka ndihmuar Kosovën”

Kushtrim Guraj

Shqipëria në pritje të përfundimit të reformës zgjedhore

Kushtrim Guraj

Në kampet e refugjatëve në Idlib po përhapet sëmundja Leishmanioza

Kushtrim Guraj

Kosovë, 4 të vdekur dhe 195 raste të reja me COVID-19

Kushtrim Guraj

Dialogu Prishtinë-Beograd fillon më 12 korrik në Bruksel

Kushtrim Guraj

Djathi i emigrantëve shqiptarë në Turqi pret tregues gjeografik

Kushtrim Guraj

Rukiqi: Dora e shtetit ka dështuar të ofrojë përkrahjen për sektorin privat

Kushtrim Guraj

* Nëse radiot nuk funksionojnë, Kliko KËTU