Audi me tre automobila elektrikë deri më 2020

Audi do të lansojë të paktën tre automobila elektrikë deri në vitin 2020, si pjesë e një plani të madh të kompanisë.

Shefi i gjigantit gjerman Rupert Stadler raportohet se ka thënë se automobilat elektrikë do të zënë nga 25 deri në 30 për qind të shitjeve deri në vitin 2025.

Plani i ri i Audit sheh investime në shërbimet digjitale dhe teknologjitë autonome të vozitjes.

Gjermanët pritet që të largojnë disa nga modelet e kaluara për të liruar vend për investimet në teknologjitë autonome.

Një nga modelet që mund të largohet është edhe modeli i njohur A3 me dy dyer.