Rtv Pendimi
Lajme

BIK shkarkon Irfan Krasniqin nga pozita e kryetarit të degës së Mitrovicës, emëron kryetarin e ri Enis Ramën

Bashkësia Islame e Kosovës dega në Mitrovicë ka një drejtues të ri, pasi që kryetari paraprak, Irfan Krasniqi, është shkarkuar nga pozita e tij, raporton Gazeta Online Veriu.info.

Institucioni fetar islam pasi ka shkarkuar Irfan Krasniqin, në pozitën e kryetarit të BIK-ut dega Mitrovicë ka caktuar Enis Ramën, deri në mbajtjen e zgjedhjeve të reja, të cilat do të duhej të mbaheshin tashmë, por që për shkak të përplasjeve janë shtyrë për më vonë.

Gazeta Online Veriu.info ka mësuar nga burimet e saj se Irfan Krasniqi është shkarkuar nga pozita e kryetarit të BIK dega në Mitrovicë për shkak të parregullsive me kontratat e punës së punëtorëve të institucionit, problematikë kjo që vazhdon nga viti 2018, ku të punësuarit nuk posedojnë kontrata pune.

Në një prononcim për Gazetën Online Veriu.info sekretari i BIK dega në Mitrovicë, Izet Feka, ka thënë se në këtë pozitë pas shkarkimit të Irfan Krasniqit është emëruar Enis Rama.

Sipas tij ish kryetari Krasniqi ndër të tjera ka kërkuar që të hapet arka e BIK dega në Mitrovicë për të kontrolluar gjendjen e saj dhe për të vërtetuar rrjedhën e mjeteve financiare. Sekretari Feka ka thënë se kjo arkë nuk është hapur tani e 10 vite.

Veriu.info ka tentuar të marrë një përgjigje edhe nga kryetari i BIK-ut, Naim Tërnava, por që i njëjti nuk është përgjigjur.

Zgjedhjet e reja në degën e Mitrovicës pritet të mbahen brenda dy muash, pasi që ato nuk janë mbajtur me kohë për shkak të përplasjeve mes nivelit qendror të BIK-ut dhe degës së saj në Mitrovicë.

Kujtojmë që në vazhdimësi kryetari aktual i BIK-ut, Naim Tërnava, është kritikuar për kapjen e këtij institucioni fetar dhe dirigjimeve që i jep për vartësit e tij nëpër qytetet e Kosovës.

Madje edhe zgjedhjet e fundit në BIK ku zgjodhën Tërnavën edhe për një mandat janë kritikuar nga zëra të shumtë brenda këtij institucioni, duke i cilësuar ato si jo korrekte dhe të kapura nga Tërnava dhe bashkëpunëtorët e tij.

Të ngjajshme

Koalicioni i udhëhequr nga SHBA-të braktis edhe një bazë në Irak

Kushtrim Guraj

BE pranon “pamjaftueshmërinë e mbështetjes ndaj Italisë”

Kushtrim Guraj

“Islamic Relief” dhuron 100 pako ushqimore-higjienike në Drenas

Kushtrim Guraj

Këshilli i Sigurimit të OKB-së për herë të parë do të diskutojë për COVID-19

Kushtrim Guraj

Mali i Zi, numri i personave me COVID-19 rritet në 239

Kushtrim Guraj

Turqia nis “projektin për akomodimin e të pastrehëve” në luftën kundër COVID-19

Kushtrim Guraj

OKB-ja dërgon 59 maune me ndihma në Idlib

Kushtrim Guraj

Maqedonia e Veriut dhe Hungaria solidaritet dhe bashkëpunim kundër COVID-19

Kushtrim Guraj

Bekim Jashari kujton masakrën e Rezallës: E papranueshme që edhe pas 21 vjetësh, kriminelët serb lëvizin lirshëm

Kushtrim Guraj