Rtv Pendimi
Lajme

“Duhet të hiqet taksa që të kthehen palët në tryezën e negociatave”

Duhet të hiqen taksat një qind për qind të mallrave nga Serbia në mënyrë që të dyja palët të arrijnë një marrëveshje e cila do të kontribuojë në perspektivën evropiane të Serbisë dhe Kosovës, dhe tërë rajonit, tha sot në Beograd zëvendës ndihmës sekretari i shtetit të SHBA-ve, Matthew Palmer, raporton Anadolu Agency (AA).

“SHBA vazhdon të mbështesë dialogun për normalizimin e marrëdhënieve midis Beogradit dhe Prishtinës, i cili duhet të mundësojë një marrëveshje që do të kontribuojë për perspektivën evropiane të Serbisë dhe Kosovës, si dhe të të gjithë rajonit të Ballkanit Perëndimor”, tha Palmer në një konferencë të përbashkët shtypi me presidentin serb, Aleksandar Vuçiq në Beograd.

Siç theksoi ai, nuk mund ta thotë epilogun e bisedimeve Beograd-Prishtinë në Paris në korrik për këtë çështje, por ai beson se takimi do të jetë konstruktiv dhe do të sjellë më të mirën për të gjithë.

Palmer falënderoi Vuçiqin për angazhim në dialog, me konstatimin se Serbia mund të llogarisë në mbështetjen e SHBA-ve në këtë proces, si dhe në rrugën evropiane të Serbisë.

Presidenti serb, Aleksandar Vuçiq tha se, pavarësisht qëndrimeve të ndryshme, gjegjësisht njohjen e Kosovës nga SHBA-të, ekziston pajtueshmëri mes SHBA-ve dhe Serbisë se “vetëm me bisedime, negociata dhe duke ruajtur paqen dhe stabilitetin, si dhe duke respektuar interesat e popullit serb dhe shqiptar mund të arrihet tek ndonjë zgjidhje”.

“E luta Palmerin që të kuptojë nevojën e Serbisë për të gjetur një zgjidhje kompromisi”, tha ai.

Vuçiq theksoi se Serbia është e gatshme për takimin në Paris, dhe se me rëndësi është që të gjithë të bëjnë gjithçka që të ruhet paqja dhe stabiliteti.

Presidenti i Serbisë përsëriti ftesën për presidentin amerikan, Donald Trump, të vizitojë Serbinë.

“E dimë se nuk mund të presim ndryshim në qëndrimin ndaj Kosovës, por dëshirojmë marrëdhënie më të balancuar, pak më të përshtatshëm, e cila do të mbante llogari për interesat e Serbisë”, tha Vuçiq.

Palmer në vizitën në Beograd, do të takohet edhe me kryeministren serbe Ana Bërnabiq.

Të ngjajshme

BE, strategjia e rimëkëmbjes në forcimin e teknologjisë së pastër dhe të gjelbër

Kushtrim Guraj

OKB nuk arriti të mbledhë fondin humanitar prej 2,4 miliardë dollarë për Jemenin

Kushtrim Guraj

OKB dërgon mbi 100 maune me ndihma në Idlib

Kushtrim Guraj

Kosovë, seanca për votimin e qeverisë së re do të mbahet të mërkurën

Kushtrim Guraj

Turqia u bën thirrje të rinjve të suksesshëm të vazhdojnë arsimimin në vend

Kushtrim Guraj

Turqia hap një spital tjetër të urgjencave në Stamboll

Kushtrim Guraj

Thaçi: Është hapur rruga për krijimin e qeverisë së re

Kushtrim Guraj

Qeveria e Kosovës shton masa të reja të reciprocitetit tregtar me Serbinë

Kushtrim Guraj

Arabia Saudite hap xhamitë, pezullimi vazhdon në Mekë

Kushtrim Guraj

* Nëse radiot nuk funksionojnë, Kliko KËTU