FSK-ja do të merr pjesë në Garën Ushtarake Ndërkombëtare “Skuadra më e mirë 2021”

FSK-ja do të merr pjesë në Garën Ushtarake Ndërkombëtare “Skuadra më e mirë 2021”

Ministri i Mbrojtjes, Armend Mehaj ka bërë të ditur se Forca e Sigurisë së Kosovës vazhdon me stërvitje dhe gara ushtarake bashkë me vendet anëtare dhe partnere të NATO-s.

Ai në një postim në Facebook shkruan se derisa janë duke marrë pjesë në Stërvitjen Fushore “Disaster Relief Military Mobility Exercise 2021” me rreth 20 vende anëtare dhe partnere të NATO-s, sot një njësi tjetër e FSK-së, me ftesë të ushtrisë sllovene, do të merr pjesë në garën ushtarake ndërkombëtare –  “Skuadra më e mirë 2021”.

Lexoni të plotë postimin:

“FSK vazhdon me stërvitje dhe gara ushtarake bashkë me vendet anëtare dhe partnere të NATO-s

Deri sa jemi duke marrë pjesë në Stërvitjen Fushore “Disaster Relief Military Mobility Exercise 2021” me rreth 20 vende anëtare dhe partnere të NATO-s, sot një njësi tjetër e FSK-së, me ftesë të ushtrisë sllovene, do të marrin pjesë në Garën Ushtarake Ndërkombëtare “Skuadra më e mirë 2021”.

Kjo është edhe një mundësi e shkëlqyeshme që ne të konfirmojmë shkathtësitë tona dhe të promovojmë bashkëpunimin ndërkombëtar të korpusit të nënoficerëve tanë në ndërveprueshmëri me kolegët nga vendet anëtare dhe partnere të  NATO-s.

Forca djem dhe vasha tona!

Kemi besimin maksimal në ju!”. /