Rtv Pendimi

Gjermani, policia prangos gruan muslimane për shkak të mos mbajtjes së maskës

Policia gjermane në një qytet në perëndim të vendit ka prangosur një grua muslimane me shami para vogëlushit të saj, siç shihet në videon që së fundmi u bë virale, duke e mbajtur atë të shtrirë në tokë për shkak të mos mbajtjes së maskës, transmeton Anadolu Agency (AA).

Në videon e marrë nga dëshmitarët okularë në qytetin Wuppertal, shihen shtatë oficerë të policisë jashtë ndërtesës nga ku gruaja muslimane u largua pasi ishte për vizitë te dentisti.

Videoja tregon dy oficerë të policisë që prangosin gruan para vogëlushit të saj, duke e mbajtur atë të shtrirë në tokë përderisa ajo bërtet për ndihmë.

Kur policia u përpoq të ndalojë kalimtarët që të mos xhirojnë, njëri nga kalimtarët tha: “Ju nuk keni të drejtë të më ndaloni të xhiroj këtë video. Telefoni është i imi. Unë mund t’ua jap numrin e avokatit tim”.

Policia largohet pas reagimeve të ashpra nga kalimtarët

Videoja po ashtu tregon një punonjës nga zyra e dentistit përderisa dilte nga zyra, i cili thotë se ajo që po bën policia është një krim.

Përderisa kalimtarët në video e bëjnë të qartë kundërshtimin e tyre në vendin e ngjarjes, policia ia heq prangat, e liron gruan dhe largohet sikur të mos ketë ndodhur asgjë.

Gruaja muslimane gjermane është konvertuar në Islam

Sipas informacioneve të siguruara nga AA, gruaja që shihet e prangosur në video ka lindur në Gjermani dhe është konvertuar në Islam.

Gruaja, dukshëm e tronditur nga incidenti, thuhet se do të paraqesë një ankesë penale kundër policisë.

TË NGJAJSHME

IOS
ANDROID
DONACION
DËRGO MESAZH