Rtv Pendimi
Lajme

Haradinaj: Ndërhyrja e NATO-s, e prirë nga Amerika, ktheu shpresën tek populli ynë

Është promovuar ekspozita dhe pulla postare me portretin kushtuar 100 vjetorit të Konferencës së Parisit dhe angazhimit të presidentit amerikan, Woodrow Wilson dhe Qeverisë amerikane për të mbrojtur të drejtat dhe integritetin territorial të Shqipërisë.

Në këtë promovim kryeministri Haradinaj ka thënë se në kuadër të përvjetorëve të rëndësishëm të jetës tonë si Kosovë, por edhe të kombit tonë, ka pas nderin që para pak ditësh të priste në Kosovë presidentin e Amerikës, Bill Clinton, sekretaren Madeleine Albright, gjeneralin Wesley Clark, dhe se Kosova i ka nderuar këto figura kyçe të Amerikës në zbatim të pullës postare.

Sipas njoftimit për media, Haradinaj bëri të ditur se në atë kohë është vënë në dijeni se një nderim i këtillë do të bëhet edhe për presidentin Wilson duke pasur parasysh siç tha ai rolin e tij të rëndësishëm në një periudhë të rëndësishme të historisë së kombit tonë.

“Mendoj se një sjellje e këtillë e jona falënderuese dhe shprehja e respektit buron po ashtu nga ajo që përjetuam në vitin ‘99 kur Amerika i priu NATO-s duke ndërhyrë dhe ndalur tragjedinë. Kjo ndërhyrje bëri që populli i Kosovës të shpëtohet, jeta e njerëzve të pafajshëm të shpëtohet, të rikthehet shpresa”, tha kryeministri Haradinaj, duke theksuar se aeroplanët e jetës i ndalen trenat e vdekjes dhe tragjedinë në Kosovë.

“Kjo ndalje e kësaj tragjedie, është një vepër e mirë së pari për shqiptarët dhe se ky veprim i NATO-s i ka bërë një nder të madh edhe popullit serb, duke i shpëtuar nga një krim më i madh se ai që e kishin bërë deri atëherë e që do të ishte një njollë më e zezë për ta, për historinë e popullit serb”, ka thënë ai.

Sipas tij falenderim Amerikës duhet t;i bëjë Serbia dhe populli i saj.

“Mendoj që falënderimin më të madh Amerikës duhet t’ia bëj vetë populli serb dhe Serbia, sepse Amerika nuk i la të ecin në rrugën e krimit e cila do të ishte e keqja më e madhe që do të mbahej në mend në historinë e njerëzimit pas Luftës së Dytë Botërore. Duke qenë kështu ndodhën dy të mira, u shpëtua populli iKosovës, por u ndal edhe një e keqe”, tha në fjalën e tij kryeministri Haradinaj.

Një fjalë rasti mbajti edhe Kryeshefi Ekzekutiv i Postës së Kosovës, Sejdi Hoxha, ndërkaq të pranishëm ishin edhe ministra, deputetë, personalitete nga jeta politike dhe shoqërore si dhe përfaqësues nga Ambasada amerikane./Telegrafi/

Të ngjajshme

“Urime Fitër Bajrami nga RTV Pendimi”

Kushtrim Guraj

Francë, lejohet sërish hapja e vendeve të adhurimit

Kushtrim Guraj

Pesëmbëdhjetë shtete arabe Fitër Bajramin do ta festojnë të njëjtën ditë me Turqinë

Kushtrim Guraj

Gaza, falet namazi i parë i xhumasë pas ndërprerjes dymujore për shkak të pandemisë

Kushtrim Guraj

Kosovë, Bashkësia Islame merr vendim për mos hapjen e xhamive për Fitër Bajram

Kushtrim Guraj

Bisedë telefonike Pendarovski-Kurti: Bashkëpunimi, i rëndësishëm në luftën kundër COVID-19

Kushtrim Guraj

BIK-u: Fitër – Bajrami të dielën më 24 maj 2020

Kushtrim Guraj

Xhamitë në Kosovë të mbyllura deri në qershor: Imamët ndjekin këshillat e ekspertëve

Hevzi Hasani

Turqi, namazi i Bajramit nuk do të falet në xhami për shkak të COVID-19

Hevzi Hasani

* Nëse radiot nuk funksionojnë, Kliko KËTU