Rtv Pendimi
Samet Tours
Good life Restaurant
auto lider
Hoxhallaret

Hoxhë Iljas efendi Rrahmani

Muslim Shop

Mulla Iljas efendi Rrahmani lindi më 15.05.1923 në fshatin Sharban dhe pas dy viteve zhvendoset me familje në Prapashticë. I takon gjeneratës së fundit të nxënësve të Medresesë “Pirinaz” të Prishtinës. Mësimet e para i filloi në Mektebin e Keqekollës, për të vazhduar në Medresenë “Pirinaze” tek myderrizi i njohur Ahmet efendi Mardoqi, e pas Luftës së Dytë Botërore mësoi edhe në Medresenë e madhe të Gjakovës, tek alimi i njohur Fahri efendi Iljazi. Mulla Iljasi, si i ri mori detyrën e imamit, mualimit e hatibit në fshatin Prapashticë, për ta vazhduar në Majac e pastaj në Dumnicë të Llapit, dhe më vonë në Burim (ish-Istog) e Podujevë, ku edhe u pensionua me 1993. Edhe pas pensionimit, mulla Iljasi vazhdoi kontributin e tij si imam në qytetin jugor të Shqipërisë, në Vlorë. Gjithkund ku punoi, hoxha i nderuar dha një kontribut të çmuar në përhapjen e fjalës islame, prandaj gëzon një respekt të madh si në xhemat ashtu edhe ndër kolegët dhe hoxhallarët e rinj, për të cilët është një shembull se si duhet angazhuar në misionin e imamit. Hoxha ynë i dashur kontributin më të madh e ka dhënë në mbajtjen e mësim-besimit me të rinjtë, ku këtë mision e ushtroi nën trysninë e madhe të ish-sistemit të egër komunist. Mulla Iljasi veprimtarinë e tij ende e vazhdon në Xhaminë e Madhe në Prishtinë, ku nga duart e tij kanë dalur me mijëra lexues të mirë të Kur’anit dhe shumë hoxhallarë të rinj. Në muajin Janar të vitit 2013 studenti i sociologjisë nga Prishtina Labinot Kunushevci intervistoi mulla Iljas Rrahmanin në klasën ku ai i mësonte nxënësit e tij dhe nga kjo intervistë nxori shumë kujtime, përvoja historike të hoxhës dhe mësime nga sfidat me të cilat qe ballafaquar mulla Iljasi dekada me radhë.

 

Të ngjajshme

Hoxhë Muhidin Ahmeti

Kushtrim Guraj

Hoxhë Osman Abazi

Kushtrim Guraj

Halil Kastrati

Kushtrim Guraj

Prof. Dr. Musa Musai

Kushtrim Guraj

Elvis Naçi

Kushtrim Guraj

PËRKUJTIM PËR MUHIDIN AHMETIN

Kushtrim Guraj

Muderris Rexhep Ismaili, me rastin e 145 vjetorit të lindjës dhe 60 vjetorit të vdekjës

Kushtrim Guraj

Sali Ibraimi

Kushtrim Guraj

Nicolas Blancho

Kushtrim Guraj