Rtv Pendimi
Lajme

Ish-ushtari amerikan bëhet musliman teksa përgatitej të bombardonte një qendër islame

Një ish-ushtar amerikan u njoh me islamin dhe u bë musliman teksa vizitonte Qendrën Islame, të cilën ai planifikonte ta bombardoj për shkak të “urrejtjes”, transmeton Anadolu Agency (AA).

Teksa kanë shpërthyer debatet mbi racizmin e bardhë dhe islamofobinë pas sulmeve terroriste në dy xhami në Zelandën e Re, ish-ushtari amerikan Richard McKinney bën një ndryshim me historinë e tij.

Richard McKinney, nga një ish-ushtar që mendonte të kryente një sulm me bombë në Qendrën Islame në Indiana, ka ndarë me shtypin lokal rrugën e tij se si ai u bë kryetar i të njëjtës qendër.

Sipas shtypit lokal, McKinney ka kryer detyra për shumë vite brenda Trupave Detare të SHBA-ve në rajonet si Lindja e Mesme, Somali, Filipine, Amerikë e Jugut dhe pas kthimit në vendin e tij, bëhet e ditur se ai ishte shumë i mbushur me “urrejtje kundër muslimanëve”.

  • Planifikonte të sulmonte me bombë artizanale Qendrën Islame

Ai ka shpjeguar se kohë më parë kishte në mendje që të shkatërronte një xhami, të vriste ose të plagoste shumë muslimanë dhe me bomba artizanale kishte projektuar që të sulmonte Qendrën Islame “Muncie”.

Duke vënë theksin se në atë kohë nuk i interesonte që do të kapej dhe burgosej, McKinney tha se është njohur me muslimanët pasi ka shkuar në Qendrën Islame në lagje, pasi vajza e tij e vogël një ditë i tregoi për veshjet e një fëmije muslimane që kishte ardhur e re në klasën e tyre.

  • U bë musliman pasi u njoh me islamin

Pasi ka bërë të ditur se muslimanët në Qendrën Islame ku ai kishte shkuar i lexuan pjesë nga Kur-ani dhe se u ndikua nga islami në një kohë prej 8 javësh, McKinney tha: “Fillova të shpenzoj më shumë kohë çdo ditë në xhami dhe çdo gjë filloi të më bëhej më e logjikshme. Deklarova shehadetin, doja të bëhesha musliman dhe u bëra”.

McKinney, i cili u bë një burim frymëzimi për shumë njerëz pasi u bë musliman, tani është kryetar i Qendrës Islame “Muncie”, ku ai dikur kishte planifikuar të kryente sulm me bombë.

“Do të bëj gjithçka që është e nevojshme për të mbrojtur Qendrën Islame dhe njerëzit këtu”, thotë McKinney.

Ai thekson se vazhdon të mbështesë komunitetin musliman duke korrigjuar mendimet dhe ndjenjat e gabuara për Islamin.

Të ngjajshme

Erdoğan: Turqia dërgoi ndihma kundër virusit në 138 vende

Kushtrim Guraj

Raporti i OBSH-së: Rekord i ri rastesh ditore!

Kushtrim Guraj

Kosova pranon donacion nga Jordania për menaxhimin e COVID-19

Kushtrim Guraj

Kompanitë turke prodhojnë mini-tank pa ekuipazh

Kushtrim Guraj

BE ndihmon Kosovën me donacion në vlerë 800 mijë euro në përballjen me COVID-19

Kushtrim Guraj

“Franca luan lojë të rrezikshme në Libi”

Kushtrim Guraj

Rama: Shqipëria e ka detyrim të mbështesë Kosovën pa kushte

Kushtrim Guraj

Thaçi: Nëse aktakuza konfirmohet, do të jap dorëheqje

Kushtrim Guraj

Turqia kreu operacionin më të madh kundër drogës

Kushtrim Guraj

* Nëse radiot nuk funksionojnë, Kliko KËTU