Rtv Pendimi
Lajme

KFOR-i Turk në Kosovë gëzon nxënësit me pajisje shkollore

Në kuadër të Projekteve të Bashkëpunimit Ushtarak-Civil, kryesia e Këshillit Turk në Kosovë (KFOR-i Turk) ka shpërndarë 1 mijë çanta shkollore për nxënësit e komunave të ndryshme të Kosovës, transmeton Anadolu Agency (AA).

Në një komunikatë nga KFOR-i Turk njoftohet se kjo kryesi me rastin e fillimit të vitit të ri shkollor gjatë një javë ka shpërndarë pajisje shkollore për nxënësit e shkollave fillore të disa komunave të Kosovës.

Në kuadër të këtij projekti, me këto çanta dhe pajisje të ndryshme shkollore janë furnizuar 1 mijë nxënës nga qytetet e Pejës, Gjakovës, Gjilanit, Lipjanit, Shtimes, të komunës së Dragashit, Mamushës e të Malishevës, si dhe të fshatrave Reçanë në komunën e Prizrenit, Janjevë në komunën e Lipjanit dhe Dobërçan në komunën e Gjilanit.

Nxënësve të shkollave fillore, përveç çantave iu janë dhuruar edhe pajisje tjera shkollore si fletore, vizatime, lloje të ndryshme të ngjyrave, goma, vizore e shumë të tjera.

Në shpërndarjen e këtyre pajisjeve kanë marrë pjesë edhe komandanti i KFOR-it Turk në Kosovë, koloneli Cem Sinan Barım, konsullja e përgjithshme e Republikës së Turqisë në Prizren, Eylem Altunya, kryetar të komunave, drejtor të shkollave, si dhe mësimdhënësit e nxënësit e shkollave.

Kujtojmë se KFOR-i Turk po realizon projekte të ndryshme në fushën e arsimit në Kosovë, si renovimi i klasave, fushave të sportit, si dhe bën furnizimin e tyre me pajisjeve e mjete të ndryshme shkollore.

Të ngjajshme

Tërnava takohet me ministrin saudit, Arabia Saudite e gatshme për ta ndihmuar Kosovën

Urim Isma

Osmani takon diplomatët norvegjez: Qeveria e ardhshme do të udhëhiqet nga njerëz të pakorruptuar

Urim Isma

Bombonjerë në formë të Shqipërisë së Madhe në raftet e Serbisë

Urim Isma

Presidenti Thaçi: Feja në Kosovë në shërbim të forcimit të paqes dhe tolerancës

Urim Isma

Në Kosovë ka shkallë të ulët të ndëshkimit të korrupsionit

Urim Isma

Shpalosi në Tivar flamurin shqiptar, gjobitet 300 euro dhe dëbohet nga Mali i Zi

Urim Isma

Moti i keq në Itali, përmbytet për herë të tretë Venecia

Urim Isma

Ndotja e ajrit mund të shkaktojë “mjegulla vrasëse” në qytetet e mëdha

Urim Isma

Shqipëri, mbahet aktiviteti “Pejgamberi Muhamed dhe familja”

Kushtrim Guraj