Rtv Pendimi
Lajme

KFOR shënon 20-vjetorin e hyrjes së NATO-s në Kosovë

Me një ceremoni solemne, KFOR-i sot ka shënuar 20-vjetorin e hyrjes së trupave të NATO-s në Kosovë, ose Ditën e Çlirimit të Kosovës, me pjesëmarrës ndërkombëtarë dhe të udhëheqësve të institucioneve vendore, raporton Anadolu Agency (AA).

Organizatori i kësaj ceremonie, komandanti i KFOR-it në Kosovë, Lorenzo D’Adario, kujtoi se nën komandën e Trupave Aleate për reagim të shpejtë, përfundimisht rreth 5.000 ushtarë nga 39 vende erdhën në Kosovë nga e tëra bota.

D’Adario tha se sot kujton me mirënjohje të thellë të gjithë ata që dhanë jetën e tyre për këtë mision të rëndësishëm.

“Shumë njerëz ishin zhvendosur, kishte mungesë të sigurisë dhe shërbimeve themelore. Ishim pjesë e një grumbullimi të paprecedent të Kombeve të Bashkuara, një forcë e fuqishme në përkushtimin e saj për të intervenuar në terren për të bërë një ndryshim, përkundër të gjitha sfidave. Nën komandën e Trupave Aleate për reagim të shpejtë, përfundimisht rreth 5.000 ushtarë nga 39 vende erdhën në Kosovë nga e tëra bota. Sot i kujtojmë me mirënjohje të thellë të gjithë ata që dhanë jetën e tyre për këtë mision të rëndësishëm”, tha ai.

Komandanti D’Adario shtoi se tani pas 20 vjetëve Kosova është shumë më ndryshe.

“Pajtimi me të kaluarën kërkon guxim për kompromis që mund të vijë vetëm me vizion dhe përkushtim ndaj njerëzve. Gjatë këtyre muajve si komandat i KFOR-it e kam parë drejtpërdrejt përkushtimin e komunitetit ndërkombëtar për Kosovën dhe ngrohtësinë e të gjitha institucioneve”, tha D’Adario.

Në ceremoninë për nder të 20-vjetorit të hyrjes së KFOR-it në Kosovë, mori pjesë edhe admirali James Foggo, i cili tha se përkushtimi i palëkundur i aq shumë ushtarëve, marinarëve, pjesëtarëve të forcave ajrore, e mposhti tiraninë dhe e çliroi Evropën.

“KFOR-i është operacioni më i madh i NATO-s në Evropë. Ai mbetet në Kosovë sot si forcë që garanton një mjedis të qetë dhe të sigurt dhe liri të lëvizjes për të gjitha komunitetet”, tha ai.

Foggo kujtoi edhe 213 pjesëtarët e KFOR-it që humbën jetën në betejë dhe në aktivitete jashtë betejave, të cilët siç theksoi ai, ishin nga pjesë të ndryshme të botës nga 28 shtete anëtare të NATO-s dhe partnere të saj.

Në këtë ceremoni u ndanë edhe medalje për përfaqësuesit e dalluar të KFOR-it. Kryeministri i Kosovës, Ramush Haradinaj i cili ka marrë pjesë në këtë ngjarje ka thënë se “ndërhyrja e NATO-s në Kosovë, ndërprerja e gjenocidit dhe spastrimit etnik janë vlera më sublime për lirinë dhe jetën”.

Kujtojmë se në Kosovë nesër do të shënohet me disa aktivitete Dita e Çlirimit, ku do të marrin pjesë dy nga emrat kryesorë si faktorë për ndërhyrjen ushtarake të NATO-s në Kosovë, ish-presidenti amerikan Bill Clinton dhe ish-sekretarja amerikane e Shtetit, Madeline Albright.

Të ngjajshme

Autoritetet izraelite arrestuan imamin e Xhamisë Al-Aksa

Kushtrim Guraj

Avionët ushtarakë amerikanë fluturuan mbi Shkup, përshëndetën anëtarësimin në NATO

Kushtrim Guraj

Dr Zekerija Bajrami kundërshtoi Sulejman Rexhepin për plot dhjetë vite

Hevzi Hasani

Mekë, nga 31 maji zbutje graduale e masave lidhur me COVID-19

Kushtrim Guraj

Nga nesër hapen xhamitë në Kosovë, BIK-u publikon rregullat që duhet të ndiqen

Kushtrim Guraj

Maqedoni e Veriut, shkarkohet kreu i BFI-së Sulejman Rexhepi

Kushtrim Guraj

Thaçi viziton Odën Ekonomike të Kosovës, diskutohet gjendja ekonomike pas pandemisë

Kushtrim Guraj

Turqia dërgon ndihma mjekësore në Çad

Kushtrim Guraj

Muslimanët në dy qytete të Sirisë shënojnë në paqe Bajramin

Kushtrim Guraj

* Nëse radiot nuk funksionojnë, Kliko KËTU