Rtv Pendimi
auto lider
Samet Tours
Good life Restaurant
Vip Well
Lajme

Kosova dhe Shqipëria nënshkruan kalendarin e përbashkët kulturor

Muslim Shop

Ministri i Kulturës i Kosovës, Kujtim Gashi dhe homologia e tij nga Shqipëria, Mirela Kumbaro-Furxhi, në qytetin e Prizrenit kanë nënshkruar kalendarin e përbashkët kulturor mes Republikës së Kosovës dhe Republikës së Shqipërisë, raporton Anadolu Agency (AA).

Ministri Gashi sot në Prizren priti në takim ministren Furxhi, ku morën pjesë edhe delegacionet e të dy shteteve. Takimi u zhvillua i mbyllur për media.

Pas këtij takimi në ambientet e Lidhjes Shqiptare të Prizrenit u zhvillua ceremonia e nënshkrimit të Kalendarit të përbashkët kulturor në mes të dy shteteve.

Në një fjalim rasti, ministrja Furxhi tha se ky është viti i pestë që si ministre e Kulturës së Shqipërisë e nënshkruan këtë kalendar. Ajo tha se ky është një formalizim i një bashkëpunimi dhe komunikimi kulturor në mes të dy shteteve. Ministrja Furxhi theksoi se ky kalendar është bërë nga drejtuesit e institucioneve dhe specialistët e kulturës.

Duke e vlerësuar kulturën si një hapësirë të hapur pa kufi, Furxhi tha se, “Kufijtë janë administrativ, neve të kulturës nuk na shqetësojnë. Në konceptin tim kultura është si lumentjë, lumenjtë kur kalojnë vijën e ujit nga një vend në tjetrin nuk pyesin nëse ka kufi dhe as s’kanë pasaportë për të treguar”.

Ajo me këtë rast foli për aktivitete të fushave të ndryshme që mund të realizohen në bashkëpunim të dy shteteve si në atë të teatrit, operas, baletit, kinemasë e të ekspozitave.

Ndërsa ministri Gashi tha se kjo marrëveshje e kalendarit vjetor hap rrugë të reja për bashkëpunim në mes të Kosovës dhe Shqipërisë, veçanërisht në institucionet e kulturës.

“Të gjitha institucionet e kulturës, por duke përfshirë edhe ato të trashëgimisë do të kenë aktivitete të përbashkëta edhe në Kosovë edhe në Shqipëri. Deri më tani ju e dini se ka pasur aktivitete edhe në Kosovë edhe në Shqipëri, ka pasur qoftë shfaqje nga teatri, qoftë ekspozita të ndryshme, por qoftë edhe aktivitete të cilat artistët i kanë bërë individualisht dhe po mendoj që ky është një moment ku dy institucionet tona marrin përgjegjësi”, tha ai.

Të ngjajshme

Shkup, realizohet shëtitje me biçikletë nëpër Çair

Kushtrim Guraj

Parlamenti turk ratifikon ligjin e ri për shërbimin ushtarak

Kushtrim Guraj

Kufiri SHBA-Meksikë, vijë kufitare e vdekjeve të pandërprera të emigrantëve

Kushtrim Guraj

Erdoğan dhe Trump do të takohen në Samitin G-20 në Japoni

Kushtrim Guraj

Haradinaj: Ndërhyrja e NATO-s, e prirë nga Amerika, ktheu shpresën tek populli ynë

Kushtrim Guraj

Putin zgjat sanksionet ruse kundër BE-së

Kushtrim Guraj

Gjykata refuzon kërkesën e 11 të akuzuarve në rastin “veteranët”

Kushtrim Guraj

BeH, 13 vite burg për ish-ushtarin serb për krime kundër njerëzimit

Kushtrim Guraj

Djali i Mohamed Morsit falënderon Erdoğanin për mbështetjen

Kushtrim Guraj