Rtv Pendimi
Lajme

Kosovë, opozita e konsideron të paligjshëm ekipin e ri negociatorë

Partia më e madhe opozitare në Kuvendin e Kosovës, Lidhja Demokratike e Kosovës (LDK), ka akuzuar koalicionin qeveritarë se përgjegjësinë për dialogun me Serbinë e hedh nga kryeministri te presidenti i vendit dhe ekipi negociatorë, sepse sipas kësaj partie politike koalicioni qeveritarë nuk është i aftë të përmbushë premtimet e dhëna miqve ndërkombëtar, SHBA-ve dhe Bashkimit Evropian (BE), raporton Anadolu Agency (AA).

Zëdhënësi i LDK-së, Besian Mustafa, tha se partia e tij është për dialog si me të gjithë fqinjët ashtu edhe me Serbinë, por vetëm pasi kjo e fundit të njohë Kosovën.

“E ashtuquajtuara qeveri e madhe, me premtime të mëdha dhe me guxim sjellë vendime të mëdha, hedh përgjegjësinë për dialogun me Serbinë nga kryeministri te presidenti, ndërsa tani ndaj ekipit të ashtuquajtur negociatorë, i cili nuk ka asnjë bazë kushtetuese dhe ka marrë mandat me vetëm 59 vota në Kuvend, pra më pak se gjysmën e votave në Kuvend”, tha Mustafa.

Sipas zëdhënësit të LDK-së, koalicioni qeveritarë për shkak të paaftësisë për të përmbushur premtimet e dhëna miqve amerikan dhe evropian, si dhe për të shmangur përgjegjësinë nga vetja, ka filluar të sulmojë LDK-në edhe pse “qytetarët e Kosovës dhe miqtë ndërkombëtarë e dinë shumë mirë se përgjegjësinë për drejtimin e shtetit e ka qeveria dhe jo opozita”.

“Mbi të gjitha, dialogun nuk mund ta udhëheqin partitë, grupet, koalicionet që nuk e kanë shumicën e votave në Kuvendin e Kosovës. Dialogu dhe të gjitha proceset duhet t’i udhëheqin institucionet kushtetuese me mandat dhe legjitimitet të fituar nga vota e qytetarëve në zgjedhje të lira dhe prandaj presim shpalljen e një date sa më të shpejtë të zgjedhjeve të lira”, tha Mustafa.

LDK po ashtu nuk ka pranuar të jetë pjesë ekipit të ri negociatorë në bisedimet e vendit me Serbinë, edhe pse ishte rezervuar një vend për këtë parti në ekipin negociatorë.

Të ngjajshme

Ministri i Shëndetësisë i Kosovës vizitoi komunat e Preshevës dhe Bujanocit

Kushtrim Guraj

Liban, rritet në 154 numri i të vdekurve nga shpërthimi në Portin e Bejrutit

Kushtrim Guraj

Kuvendi i Kosovës miraton në lexim të parë projektligjin për parandalimin e pandemisë COVID-19

Kushtrim Guraj

Presidenti Erdoğan fal namazin e xhumasë në Xhaminë Ajasofja

Kushtrim Guraj

Erdoğan: Hiroshima duhet të jetë objektivi i vendosmërisë tonë për të mos përsëritur gabimin

Kushtrim Guraj

Shkup, protestë kundër rritjes së çmimit të energjisë elektrike

Kushtrim Guraj

Myftiu Tërnava priti në takim z. Abdurrahim Lecin

Kushtrim Guraj

Libani shpall gjendje të jashtëzakonshme në Bejrut

Kushtrim Guraj

Hapet xhamitë e Kosovës

Kushtrim Guraj

* Nëse radiot nuk funksionojnë, Kliko KËTU