Rtv Pendimi
Lajme

Kosovë, shërbimi civil në grevë njëorëshe

Rreth 23 mijë të punësuar në Shërbimin Civil të Kosovës sot mbajtën grevë njëorëshe nga ora 10 deri në ora 11, të cilën e organizoi Sindikata e Shërbimit Civil të Kosovës. Shërbimi civil kërkon rritjen e koeficientit pagesor përmes draft ligjit për pagën si dhe të pranohet stazhi i punës për periudhën 1990-1999, raporton Anadolu Agency (AA).

Ahmet Gashi, duke përfaqësuar Këshillin grevist të Komunës së Prishtinës deklaroi se Shërbimi civil i kësaj komune iu përgjigj grevës dhe se ata u vizituan nga përfaqësuesit e Këshillit grevist në nivel qendror.

Ali Sefaj, kryetari i Këshillit grevist në në nivel të Kosovës me këtë rast tha se më shumë se 90 për qind e shërbimit civil iu përgjigjën thirrjes për grevë në nivel qendror dhe lokal. Sefaj tha se Shërbimi civil po kërkon rritje të koeficientit të pagave dhe njohjen e përvojës së punës.

“Sot kemi dalë për të kontrolluar rrjedhën e grevës. Institucionet qendrore dhe lokale iu përgjigjën thirrjes për grevë. Ne presim që Qeveria të reagojë sot ose nesër për të ofruar një dokument zyrtar. Ne duhet t’u shërbejmë qytetarëve, por ky ligj përgatitet për 10 vitet e ardhshme dhe nuk kërkojmë paga, por kërkojmë koeficient për të pasur trajtim më dinjitoz “, tha Sefaj për gazetarët.

Ai paralajmëroi se nëse qeveria nuk reagon, greva do të zgjatet për 2 orë e më shumë.

“Të punësuarit në Shërbimin civil kanë koeficient prej 4, 4.5 dhe 5, që nuk e kalojnë pagën prej 300 euro dhe këta zyrtarë janë të kualifikuar me fakultete ndërsa kemi shumë edhe me master”, tha Sefaj.

Megjithëse kërkesa ishte të rritej koeficienti prej 40 për qind, Sindikata e Shërbimit Civil hoqi dorë nga kjo përqindje, por pret që qeveria të paraqesë ofertën e saj dhe Këshilli grevist të vendosë nëse do ta pranojë atë apo jo.

Kujtojmë se në Kosovë tashmë tre javë me radhë, gjegjësisht në ditën e 12-të, mësuesit janë në grevë në të gjitha nivelet nga kopshtet, shkollat deri në universitete. Ata kërkojnë rritje të koeficientit prej 30 për qind përmes një projektligji mbi pagat. Qeveria ofroi rritje të pagave për punonjësit e arsimit, por ata e refuzuan dhe mbetën në kërkesën e tyre.

Të ngjajshme

COVID-19, Turqia punon për paketën gjithëpërfshirëse “mburoja e punësimit”

Kushtrim Guraj

Ushtria e Libisë nis operacion të ri për çlirimin e Sirtes dhe bazës ajrore Al-Jufra

Kushtrim Guraj

Siri, bie dëshmor një ushtar turk në Idlib

Kushtrim Guraj

Kosovë, shqiptari kujdeset për serben e moshuar, banoren e vetme në fshatin e braktisur

Kushtrim Guraj

“Turqia nuk do t’i braktisë vëllezërit libianë në mëshirën e puçistëve”

Kushtrim Guraj

Ushtria e Libisë çliron Tripolin, niset drejt qytetit Tarhuna

Kushtrim Guraj

Avdullah Hoti merr detyrën si kryeministër i Kosovës

Kushtrim Guraj

BE, strategjia e rimëkëmbjes në forcimin e teknologjisë së pastër dhe të gjelbër

Kushtrim Guraj

OKB nuk arriti të mbledhë fondin humanitar prej 2,4 miliardë dollarë për Jemenin

Kushtrim Guraj

* Nëse radiot nuk funksionojnë, Kliko KËTU