Rtv Pendimi
Lajme

Kosovë-Turqi, nënshkruhet Plani i Veprimit për bashkëpunim në shëndetësi

Në kuadër të bashkëpunimit në shëndetësi ndërmjet Kosovës dhe Turqisë, ministri i Shëndetësisë së Kosovës Uran Ismaili dhe zëvendësministrja e Shëndetësisë e Republikës së Turqisë, Emine Alp Meşe kanë nënshkruar Planin e Veprimit për implementimin e bashkëpunimit në shëndetësi, raporton Anadolu Agency (AA).

Ky Plan i Veprimit do të hedhë dritë mbi nevojat e shëndetësisë kosovare në mënyrë që të investohet dhe ndihmohet Ministria e Shëndetësisë por edhe arsimimi i të rinjve kosovarë në këtë fushë nga Turqia.

Sekretari i Përgjithshëm në Ministrinë e Shëndetësisë, Naim Bardiqi, tha se nga viti 2009 kur është nënshkruar marrëveshja në fushën e shëndetësisë midis Kosovës dhe Turqisë, Kosova ka përfituar mjaft, sidomos me ndihmën për t’i dërguar 100 pacientë në vit për shërim në Turqi.

Edhe kjo marrëveshje, siç tha ai, forcon bashkëpunimin kosovaro-turk në shëndetësi.

“Një nga pikat kyçe të plan-veprimit është edhe aktiviteti i cili ka të bëjë me hartimin e planit nacional për akreditimin e institucioneve shëndetësore në Republikën e Kosovës. Aktivitet ky i cili është obligim ligjor, mirëpo, që për shkak të mungesës së ekspertizës dhe infrastrukturës, ka mbetur akoma i pahartuar”, tha Bardiqi.

Zëvendësministrja Emine Alp Meşe tha se në spitalin publik të Turqisë që nga marrëveshja e bashkëpunimit në fushën e shëndetësisë Kosovë-Turqi e vitit 2009, deri më sot, janë trajtuar mbi 800 pacientë, ndërsa edhe studentëve kosovarë vazhdimisht u është mundësuar shkollimi në fushat e shëndetësisë në universitetet turke.

“Ky plan ka për qëllim t’i forcojë sistemet shëndetësore, bashkëpunim në fushat e cilësisë dhe akreditimit në shërbimet shëndetësore, në fushat e farmaceutikës dhe pajisjeve shëndetësore, në turizmin shëndetësor si dhe javën e shëndetësisë. Shpresoj që ky plan të jetë i dobishëm për të dyja vendet”, tha Meşe.

Vizita e zëvendësministres Emine Alp Meşe realizohet në ditët e Javës së Shëndetësisë Kosovë-Turqi gjatë të cilës një ekip prej 26 ekspertëve turq të fushave të mjekësisë po mundësojnë ofrimin e shërbimeve shëndetësore dhe ndërhyrjeve operative në institucionet shëndetësore të Kosovës.

Java e Shëndetësisë Kosovë-Turqi do të përfundojë më 23 qershor.

Të ngjajshme

Gjermania nuk preferon kthimin e luftëtarëve të DEASH-it

Urim Isma

YPG/PKK godet fëmijët në Jarabulus, 3 të plagosur

Urim Isma

Blok: Maqedonia e Veriut është e gatshme për fillimin e negociatave

Urim Isma

Mustafa e Apostolova bisedojnë për përbërjen e Qeverisë së re

Urim Isma

Kosova sërish tenton të antarësohet në Interpol

Urim Isma

NATO për rifillimin urgjent të bisedimeve Kosovë-Serbi

Urim Isma

Operacioni “Burimi i Paqes”, 550 terroristë të neutralizuar në veri të Sirisë

Urim Isma

BE: Emërimi i noterëve të bëhet nga Qeveria e re

Urim Isma

E mbijetuara e dhunës seksuale gjatë luftës sot dorëzon kallëzim penal

Urim Isma