Kryetari i Lidhjes Demokratike të Kosovës, z. Lumir Abdixhiku, së bashku me bashkëpartiakët e tij, ka shtruar sonte iftar për Myftiun Tërnava dhe për bashkëpunëtorët e tij.
Kryetari Abdixhiku e ka cilësuar muajin Ramazan, si muaj të durimit, mirësisë, mikpritjes e solidaritetit. “Muaji i durimit, mirësisë, mikëpritjes e solidaritetit, na mëson disa nga vlerat më të shëndosha shoqërore. Këto vlera duhet t’i ruajmë e kultivojmë me plot përkushtim, si bindje tona shpirtërore, si virtyte tona.
Agjëruesve ju uroj pranim të sakrificës e lutjeve nga Zoti. U shkoftë mbarë dhe pjesa e mbetur e Ramazanit!” – thuhet në postimin e publikuar nga kryetari Abdixhiku.
Nga ana e tij, Myftiu Tërnava, falënderoi kryetarin Abdixhiku për shtrimin e këtij iftari, duke potencuar kështu se iftaret duhet gjithnjë të na shërbejnë për afrim ndërmjet vete.
