Rtv Pendimi
Lajme

Kurti e Mustafa intensifikojnë diskutimet, premtojnë marrëveshje të shpejtë

Takime intensive për domosdoshmërinë e arritjes së marrëveshjes me Lidhjen Demokratike ka paralajmëruar mandatari për kryeministër i Lëvizjes Vetëvendosje, Albin Kurti, pas takimit që ka zhvilluar me kryetarin e Lidhjes Demokratike, Isa Mustafa.

Ky ishte takimi i parë mes këtyre subjekteve pas certifikimit të rezultateve të zgjedhjeve të 6 tetorit, ku Lëvizja Vetëvendosje u konfirmua parti e parë, kurse LDK-ja e dyta. Përveç zotimit se marrëveshja do të arrihet në ditët në vijim, të shprehur në deklaratën e përbashkët, nuk u lejuan pyetjet e gazetarëve, dhe asnjëri prej liderëve nuk ka treguar se për cilat çështje kanë arritur dakordim dhe ato që i ndajnë, shkruan sot “Koha Ditore”.

“U dakorduam që do të takohemi intensivisht ne kryetarët e dy subjekteve, sepse doemos do ta bëjmë marrëveshjen e cila do të shënojë një kapitull të ri në Republikën e Kosovës me një kulturë tjetër qeverisëse, me një program zhvillimor për drejtësi ligjore e sociale, dhe për integrime evropiane, duke iu dhënë prioritet gjithmonë qytetarëve të Republikës, pa dallim”, ka thënë Kurti pas takimit dyorësh në Kuvendin e Kosovës, ku morën pjesë edhe nënkryetarët e dy partive. Ai ka shtuar se në pak ditë në vijim do ta lidhin marrëveshjen për koalicionin qeverisës.

“Takimi ishte shumë konstruktiv, i konfirmuam të gjitha dakordimet që i kemi bërë deri më tani sa i përket harmonizimit programor”, ka theksuar Kurti. Ndërkaq të premten do të mbahet takimi i radhës mes ekipeve profesioniste për, siç ka thënë Kurti, t’i përmbyllur çështjet e mbetura.

“Kur të kemi rezultate konkrete juve do t’ju njoftojmë të parët, por kësaj radhe ju kërkoj falje që nuk do të marrim pyetje”, e ka përfunduar Kurti deklaratën e tij.

Edhe kryetari i LDK-së, Isa Mustafa, e ka cilësuar si shumë të frytshëm, konstruktiv e përmbajtjesor takimin me kreun e Lëvizjes Vetëvendosje./koha.net

Të ngjajshme

Erdogani tregon se kur do të përfundojë ndërtimi i 500 banesave në Shqipëri

Urim Isma

Kavajë/Pas tërmetit Dr. Shefqet Krasniqi viziton Kavajën, takohet nga Kryebashkiaku Krali

Kushtrim Guraj

Vaksinat kundër gripit arrijnë sot, shpërndahen javën tjetër

Urim Isma

Rama dhe Cakaj drejt Bratislavës, Shqipëria merr presidencën e OSBE-së

Urim Isma

Lufta kundër racizmit, në Norvegji do të shpërndahen 10.000 kopje të Kuranit

Urim Isma

Bashkësia Islame e Kosovës mbledh mbi 300 mijë euro ndihma për Shqipërinë pas tërmetit

Urim Isma

Ndodh në Maqedoni, nxënësit publikojnë video në Instagram duke thyer dyert dhe bankat e shkollës

Urim Isma

Mashtronin njerëzit duke kërkuar ndihma për të dëmtuarit nga tërmeti, arrestohet drejtori i fondacionit në Tiranë

Urim Isma

Koalicioni LVV-LDK, Vjosa Osmani thotë se ka hapësirë që të gjendet zgjidhja

Urim Isma