KUSH I PRINË ARTIT NË KOSOVË?!

Këngëtarët dhe artistët në Kosovë janë kampion në ç’rregullimin e moralit të shoqërisë, me keqardhje dëshmoj se janë kategoria më e ulët që nuk i kontribuojnë aspak qytetërimit dhe intelektualitetit njerëzor; edhe pse në mediume janë të parët që dalin, edhe pse fitojnë duartrokitje të shumta, edhe pse fitojnë shuma të majme parash, edhe pse gëzojnë një far prestigji dhe fame në shoqëri, edhe pse u shkojnë prapa shumë ithtarë, shumica prej tyre të rinj, ata mbesin gjeneratorët e energjisë për shthuarje morale e intelektuale. 

Të sëmurë nga sëmundja e karierizmit, të dehur pas epsheve e kënaqësive egoiste të kësaj bote, duke bë përjashtime në disa individë, por në shumicë dërrmuese janë bartës të mesazheve pro-amoralitetit, janë shumë komercialë, janë me të vërtetë shpërlarës të trurit.

Me një fjalë; ata jetojnë vetëm për ta fitu simpatinë e njerëzve! 

Andaj të kemi kujdes, të mos i imitojmë verbërisht, por t’i ”rrahim” shkenctërisht sepse ne jemi modeli për ta, e jo ata për ne.

Dhe prova e argumenti më faktik për këtë është gjendja momentale morale e intelektuale e rinisë sonë, ku të ndikuar nga joshjet dhe performancat e arteve të shthurura të tyre, janë në një prapambeturi të tillë.


Edhe pse s’pajtohen shumë me këtë që shkruajta, unë do t’i rri prapa këtij qëndrimi deri në vdekje nëse vazhdon një gjendje e tillë, është opinion i imi dhe kush të dojë le të pajtohet e kush të dojë le të hidhërohet, e them dhe e shkruaj atë që e kam në zemër dhe mendje, nuk falsifikohem dhe nuk dyftyrësohem. 

Pres edhe kritika prej jush, ju faleminderit.

Autor: Labinot Kunushevci