LG G4 do të jetë rivali kryesor i Samsung Galaxy Note 4?

Sipas një informacioni ende të pakonfirmuar nga Azia, thuhet se gjenerata e re e telefonit të LG, përkatësisht modeli LG G4 do të jetë rival i drejtpërdrejt i Samsung Galaxy Note 4. Për ta arritur këtë epitet, LG ka menduar që fabletit të saj të ri t’ia shtojë edhe lapsin digjital.

Ndërsa karakteristikat tjera të LG G4 do të përfshijnë ekranin me diagonalen prej 5.3″ me rezolucionin QHD dhe skaje të ngushta, të ngjashme me ato të G3. Procesori i G4 thuhet se do të vijë me Snapdragon 810, 4GB RAM dhe variantet e memories me 32GB/64GB.

Së fundmi, LG ka aplikuar edhe për regjistrimin e markës “LG G Pen” që pritet të jetë përgjigja e kompanisë ndaj Samsung S Pen, dhe e cila do të punojë me shumicën e karakteristikave softuerike të fabletit.

Me afrimin e Kongresit Botëror Mobil, pritjet janë që edhe LG ta prezantojë fabletin e saj të ardhshëm, LG G4. (T)