Rtv Pendimi
Lajme

Mbi 300 mijë persona do ta falin namazin e teravisë në sheshin Yenikapı në Stamboll

Në sheshin Yenikapı të Stambollit do të mblidhen mbi 300 mijë persona për të falur namazin e teravisë i cili organizohet nga Myftinia e Stambollit, transmeton Anadolu Agency (AA), përcjellë Klan Kosova.

Në namazin e teravisë synohet pjesëmarrja e 313 mijë personave të cilët simbolizojnë shokët (sahabët) që morën pjesë në Luftën e Bedrit, e cila është lufta e parë mes mushrikëve të Mekës dhe muslimanëve në krye të të cilëve ndodhej pejgamberi.

Në program, namazi i teravisë do të falet me 20 rekate në mënyrën enderun, traditën osmane në kuadrin e 566 vjetorit të çlirimit të Stambollit.

Pas namazit të teravisë që do të drejtohet nga kreu i Çështjeve Fetare Diyanet, Ali Erbaş dhe drejtues të tjerë, do të bëhet duaja e qindra mijëra hatmeve të lexuara në mënyrën mukabele në të gjitha xhamitë e Turqisë gjatë muajit të Ramazanit. Programi është planifikuar që të fillojë në orën 21:00, ndërsa rreshtimi për në namazin e teravisë do të bëhet në orën 22:00.

Zëvendës myftiu i Stambollit, Musa Bilgiç, tha se kryesia e Çështjeve Fetare Diyanet ka bërë hapa të rëndësishëm kryesisht nga pikëpamja e takimit të të rinjve me xhaminë dhe xhematin.

“Do të zhvillohet takimi i duasë së madhe për qindra mijëra hatmet e lexuara gjatë Ramazanit. Ky takim do të jetë për namazin e teravisë që falen në mënyrën me 20 rekate. Natën e 1 qershorit presim popullin tonë të marrë pjesë në programin historik të duasë së madhe”, tha Bilgiç.

Ai thekson se në sheshin Yenikapı kanë organizuar një program të madh për të përkujtuar dëshmorët me rastin e 566 vjetorit të çlirimit të Stambollit.

Të ngjajshme

Pretendohet se Trump do të lë 200 ushtarë në lindje të Sirisë

Urim Isma

Vriten 7 civilë në të shtënat përgjatë kufirit të Kashmirit

Urim Isma

Kurti thotë se për një muaj arrihet marrëveshja për qeverisje me LDK-në

Urim Isma

Kosova nënshkruan marrëveshjen për eliminimin e tatimit të dyfishtë me Arabinë Saudite

Urim Isma

Taksa për produktet serbe dhe boshnjake varfëroi shportën e konsumatorëve

Urim Isma

Rreziku për një ngërç tjetër politik

Urim Isma

Johnson-Erdogan diskutojnë për Sirinë, kërkojnë takim me Macron dhe Merkel

Urim Isma

Shoqata “Jetimat e Ballkanit” mbledh rreth 125 mijë franga në tubimin humanitar në Dietikon të Zvicrës

Urim Isma

Merkel: Marrëveshja e Brexit është ende e mundshme të ndodhë

Urim Isma