Rtv Pendimi
Lajme

Meksika zotohet të mbrojë emigrantët e mitur të pashoqëruar

Instituti Kombëtar i Migracionit të Meksikës (INM) ka deklaruar se zyrtarët e saj po punojnë për të siguruar mirëqenien dhe integritetin e emigrantëve të mitur të pashoqëruar në territorin kombëtar, transmeton Anadolu Agency (AA).

“Gjithsej 10.135 fëmijë të pashoqëruar dhe adoleshentë u ndihmuan nga INM-ja në periudhën mes dhjetorit të vitit 2018 dhe qershorit 2019”, tha INM, duke shtuar se në mesin e këtyre fëmijëve 9.743 janë nga El Salvadori, Guatemala, Hondurasi dhe Nikaragua.

INM theksoi se ata poashtu ishin pjesë e rasteve të 5.636 meksikanëve të mitur të cilët u riatdhesuan nga SHBA-të.

Sipas njoftimit të INM-së, zyrtarët e saj, së bashku me agjentët federalë të migracionit po punojnë për të siguruar respektimin e të drejtave të njeriut të migrantëve të mitur nëpërmjet ofrimit të menjëhershëm të shërbimeve shëndetësore bazë, si ushqim, veshmbathje dhe pushim.

Zyrtarë për mbrojtjen e fëmijëve poashtu janë përcaktuar në 32 shtete të Meksikës, veçanërisht në kufijtë jugorë dhe veriorë të vendit.

Që nga viti 2007, instituti promovon mbrojtjen e fëmijëve emigrantë, veçanërisht të atyre që udhëtojnë pa shoqërim.

Çështja e migracionit në Amerikën Qendrore

Meksika është një nga ndalesat ku mijëra emigrantë nga vendet e Amerikës Qendrore fillojnë udhëtimin e tyre për azil në SHBA, në një përpjekje për të ikur nga dhuna dhe varfëria në vendet e tyre.

Ndërkohë, shumë emigrantë po luftojnë në kufi me politikën anti-migrante të SHBA-ve.

Presidenti i SHBA-ve, Donald Trump, që kur ka ardhur në detyrë ka ushtruar një qasje të ashpër ndaj migracionit, si atij ligjor dhe joligjor, si dhe në mënyrë të veçantë ka shënjestruar Meksikën për, siç thotë ai, mungesën e veprimit për të parandaluar fluksin e emigrantëve, ku njerëzit largohen për shkak të dhunës dhe varfërisë me një shpresë për një vend më të sigurt apo për azil në SHBA.

Edhe pse Trump në maj njoftoi se vendi i tij do të imponojë tarifa për importet e mallrave meksikane, SHBA dhe Meksika arritën një marrëveshje në qershor për të shmangur tarifat e Washingtonit ndaj Meksikës për të detyruar vendin që të reduktojë fluksin e emigracionit.

Të ngjajshme

Madhështore: Shoqata ‘Jetimat e Ballkanit’ bën me shtëpi 128 familje më 28 nëntor, në dekadën e parë të themelimit të saj

Urim Isma

SHBA-ja thotë se paratë e naftës në Siri do t’i marrin kurdët

Urim Isma

Alvin Berisha, nga kampi sirian, bashkohet me babain dhe dy motrat në Itali

Urim Isma

Në PZAP dorëzohen 100 ankesa nga subjektet politike dhe kandidatët

Urim Isma

Pas protestave, MASHT-i anulon konkursin për bursa

Urim Isma

Ramiz Lladrovci ftohet nga Specialja

Urim Isma

Studentët kërkojnë anulimin e konkursit për bursa, paralajmërojnë ndërprerje të mësimit

Urim Isma

Presidenti maqedonas Stevo Penadrovski pritet të takojë Macronin javën tjetër

Urim Isma

Bllokohet shitja e biletave për ndeshjen me Francën, vetëm një sektor i lirë

Urim Isma