Rtv Pendimi
Lajme

Merkel: Samiti për Sirinë mund të mbahet në tetor

BERLIN (AA) – Kancelarja gjermane, Angela Merkel, në konferencën e përbashkët për media me presidentin e Turqisë, Recep Tayyip Erdoğan, ka deklaruar se udhëheqësit e Turqisë, Rusisë, Gjermanisë dhe Francës planifikojnë të mblidhen muajin e ardhshëm për një samit katër palësh mbi Sirinë, raporton Anadolu Agency (AA).

Duke folur pas takimit me presidentin Erdoğan në Berlin, kancelarja Merkel paralajmëroi se gjendja në qytetin Idlib të Sirisë mbetet e brishtë.

“Ne jemi në favor të një takimi katër palësh”, tha Merkel, duke shtuar se udhëheqësit e Turqisë, Rusisë, Gjermanisë dhe Francës synojnë mbajtjen e këtij takimi në muajin tetor.

Një marrëveshje midis Turqisë dhe Rusisë më 17 shtator, shmangu një ofensivë ushtarake në shkallë të gjerë të regjimit sirian në Idlib, qytet që është bastion i fundit i forcave të opozitës.

Si Turqia ashtu edhe Gjermania paralajmëruan kundër ofensivë të tillë ushtarake në provincën e cila është shtëpi e rreth 3.5 milionë civilëve.

Merkel vlerësoi përpjekjet e Turqisë për miliona refugjatë sirianë që ikën nga lufta civile në Sirinë fqinje dhe u strehuan në Turqi.

“Ne gjithashtu kemi diskutuar marrëveshjen BE-Turqi. Ne mbetemi të përkushtuar ndaj premtimeve tona”, theksoi Merkel.

Kancelarja gjermane tha se ajo dhe presidenti Erdoğan do të vazhdojnë bisedimet e tyre mbi Sirinë dhe krizën e refugjatëve në një mëngjes pune ditën e nesërme.

Presidenti Erdoğan qëndron për një vizitë 3-ditore në Gjermani për të përmirësuar lidhjet politike dhe ekonomike midis dy vendeve.

Të ngjajshme

LAJMI I FUNDIT: 214 raste të reja me koronavirus në Kosovë

Kushtrim Guraj

Familjet e viktimave të Srebrenicës, pas 25 vitesh do t’i varrosin të dashurit e tyre

Kushtrim Guraj

“Turqia edhe në kushte të jashtëzakonshme ka ndihmuar Kosovën”

Kushtrim Guraj

Shqipëria në pritje të përfundimit të reformës zgjedhore

Kushtrim Guraj

Në kampet e refugjatëve në Idlib po përhapet sëmundja Leishmanioza

Kushtrim Guraj

Kosovë, 4 të vdekur dhe 195 raste të reja me COVID-19

Kushtrim Guraj

Dialogu Prishtinë-Beograd fillon më 12 korrik në Bruksel

Kushtrim Guraj

Djathi i emigrantëve shqiptarë në Turqi pret tregues gjeografik

Kushtrim Guraj

Rukiqi: Dora e shtetit ka dështuar të ofrojë përkrahjen për sektorin privat

Kushtrim Guraj

* Nëse radiot nuk funksionojnë, Kliko KËTU