Programi Paint i Microsoftit është përfshirë në një listë të veçorive të sistemit operativ Windows 10 që do të fshihen a po nuk do të zhvillohen më.
Paint, programi për dizajn, ka qenë pjesë e Windowsit që nga viti 1985. Pasardhësi i këtij programi, Paint 3D, do të jetë akoma në dispozicion.
Microsofti thotë se veçoritë që janë në listën për muajt e vjeshtës ose do të fshihen përfundimisht nga Windows 10 ose “nuk do të jenë më aktive për zhvillim dhe mund të fshihen në përditësimet e ardhshme”.
Shumë njerëz kanë reaguar për këtë vendim të Microsoftit duke postuar në rrjete sociale “mesazhe mërzie”.