MÜSİAD Albania organizon program iftari

Përfaqësia për Shqipërinë e Shoqatës së Industrialistëve dhe Biznesmenëve të Pavarur nga Türkiye (MÜSİAD Albania) ka organizuar program iftari, raporton Anadolu.

Në iftarin e organizuar në ambientet e një hoteli në Tiranë ishin të pranishëm përfaqësues të institucioneve turke në Shqipëri, deputetë të Kuvendit të Shqipërisë, zyrtarë të institucioneve të ndryshme, përfaqësues të organizatave të shoqërisë civile dhe personalitete nga fusha të ndryshme.

Kryetari i MÜSİAD Albania, Muhammet İşler, në fjalën e tij u shpreh se Muaji i Ramazanit është muaji i begatisë, i cili bashkon miqtë me njëri-tjetrin.

“Të rritemi bashkë, të japim kontributin tonë për shoqërinë është përgjegjësi e jona e përbashkët. Solidariteti dhe bashkëpunimi në fushën e biznesit është diçka e rëndësishme për të çuar përpara arritjet në fushën e biznesit. MÜSİAD Albania është krijuar me qëllim që të ketë dobi dhe përparësi fushën e biznesit”, tha İşler.

Kryetari i MÜSİAD Invest, Serhat Kısakürek, tha se Ramazani është një muaji ku solidariteti dhe vëllazëria përjetohen në mënyrën më të mirë të mundshme.

“Lidhjet tona historike dhe kulturore midis dy vendeve përbëjnë bazën e bashkëpunimit tonë politik dhe ekonomik. Shqipëria është një partner i rëndësishëm për Türkiyen në Ballkan. Ndërkohë që marrëdhëniet tona politike po forcohen çdo ditë e më shumë bashkëpunimi ynë tregtar dhe ekonomik po zhvillohet me shpejtësi”, tha Kısakürek, duke përmendur edhe takimet mes presidentit turk, Recep Tayyip Erdoğan, dhe kryeministrit të Shqipërisë, Edi Rama.

Këshilltarja e Tregtisë në Ambasadën e Türkiyes në Tiranë, Pelin Özdemir, duke përcjellë edhe përshëndetjet e ambasadorit turk, Tayyar Kağan Atay, tha se janë mbledhur me rastin e iftarit të organizuar nga MÜSİAD Albania, për të ndarë atmosferën shpirtërore të muajit të Ramazanit, si dhe për të forcuar lidhjet mes botës së biznesit turko-shqiptar.

“Marrëdhëniet dypalëshe midis Türkiyes dhe Shqipërisë po përparojnë përmes institucioneve tona publike, Ambasadës sonë, TIKA-s, Institutit ‘Yunus Emre’, Fondacionit Maarif dhe me kontributin e organizatave tona joqeveritare. Roli i luajtur nga MÜSİAD në këtë drejtim është shumë i vlefshëm jo vetëm në fushën ekonomike, por edhe në forcimin e lidhjeve kulturore dhe sociale”, tha Özdemir.

Deputeti i Kuvendit të Shqipërisë, Florenc Spaho, në fjalën e tij u shpreh se ishte i bindur që MÜSİAD si në çdo vend tjetër edhe në Shqipëri do të kishte një sukses të madh.

“Falënderoj gjithë stafin e MÜSİAD në Shqipëri për punën e palodhur që ka bërë, për bashkëpunimet e frytshme që ka ndërtuar ndërmjet dy shteteve tona mike, Türkiyes dhe Shqipërisë”, tha Spaho.