Rtv Pendimi
Samet Tours
auto lider
Good life Restaurant
Lajme

Në Kosovë 67 të vdekur në aksidente komunikacioni, për 7 muaj (Video)

Muslim Shop

Nga janari deri në fund të korrikut të këtij viti, 67 persona kanë humbur jetën në aksidente rrugore.

Për këtë periudhë 7 mujore, nga më shumë se 8 mijë aksidente që kanë ndodhur, 50 prej tyre kanë qenë me fatalitet.

Nisur nga kjo, Ministria e Punëve të Brendshme, para pak ditësh i është drejtuar Policisë me një kërkesë për marrjen e masave emergjente, me qëllim shtimin e sigurisë në trafik.

Në këtë vendim kërkohet: Zbatimi i masave të sigurisë gjatë punimeve në rrugë, të ndërmerren masa për ruajtjen e sigurisë në trafikun publik, të shtohet numri i policëve dhe patrullave civile në komunikacionin rrugor, si dhe njoftimi i autoriteteve të shteteve përkatëse në rast se trafiku rrezikohet nga shtetas të huaj.

Por, pavarësisht këtij vendimi eksperti i komunikacionit Bekim Ahmeti, thotë se numri i patrullave të policisë në rrugë është i vogël krahasuar me akset rrugore.

“Kapaciteti i policisë është i njëjtë, me përjashtmin të ndonjë patrolle aty-këtu. Imagjinoni, në rrugët e Prishtinës nga ora 23 deri në 7 të mëngjesit nuk ka asnjë polic. Ndërsa në rrugët që është dashtë të frekuentohen më shumë nga policia aty nuk patrullohet fare, me përjashtim të ndonjë aksidenti kur ndodh”, shprehet për RTV Dukagjinin, Bekim Ahmeti- ekspert i komunikacionit.

Sipas Zëdhënësit të Policisë së Kosovës, Daut Hoxha, policia është duke punuar në vazhdimësi për një siguri më të madhe në trafik, e cila, sipas tij, ka rezultuar në rënien e numrit të aksidenteve.

“Referuar statistikave për muajin korrik krahasuar me periudhën e njëjtë të vitit paraprak kemi dy persona më pak të vdekur si pasojë e aksidenteve rrugore. Edhe për periudhën e njëjtë nga janari deri në korrik 2018, krahasuar me periudhën e njëjtë të vitit paraprak kemi katër persona më pak të vdekur nga aksidentet. Megjithatë angazhimet tona do të jenë konsistente për një përmirësim të mëtejmë të sigurisë në rrugët e vendit”, tha ai.

Ndërkaq, në vendimin e MPB shkruan se masat e shtuara në trafik duhet të zbatohen deri me 1 tetor, ndërsa eksperti i komunikacionit Ahmeti, thotë se një vendim i tillë do të duhej të ishte i përhershëm, e jo sezonal./Telegrafi/

Të ngjajshme

“Investimet në spitale janë për një mjekësi moderne në Kosovë”

Kushtrim Guraj

Rtv Pendimi ju uronë festën e Kurban Bajramit

Kushtrim Guraj

Indonezi, gruaja kurseu duke mbledhur mbeturina 26 vite për të udhëtuar në Haxh

Qëndrim Ibrahimi

Spanjë, shpëtohen 59 migrantë në Mesdhe

Kushtrim Guraj

Turqi, gjenden mbishkrime të lashta 883 vjet

Kushtrim Guraj

Studentët dhe nxënësit nga Shqipëria do të vizitojnë Turqinë

Kushtrim Guraj

Me karrocë drejt Haxhit: Rrëfimi i 34-vjeçarit nga Vushtrria, ëndrra e të cilit tanimë është realitet

Kushtrim Guraj

Edhe një doktore shkence i shtohet Kosovës

Hevzi Hasani

Turqia shpall vendimet e Këshillit të Lartë Ushtarak

Kushtrim Guraj