Rtv Pendimi
Lajme

“Në Perëndim thuajse aspak nuk njihen masakrat ndaj muslimanëve”

Historiani amerikan, William Holt, tha se Perëndimi ka ngurruar t’i shikojë turqit si viktima dhe i ka nënvleftësuar dhimbjet e tyre gjatë historisë, raporton Anadolu Agency (AA).

Këto komente Holt i bëri në një konferencë të Institutit Turk të Historisë (TTK) në Ankara të titulluar “Humbja e Ballkanit: Muhaxhirët e harruar të Luftës së 93-tës”, e cila i referohet Luftës Ruso-Osmane të viteve 1877-1878 dhe njihet edhe si Lufta e 93-tës për shkak të vitit hënor 1293 në të cilin u zhvillua.

Në konferencë, Holt prezantoi edhe librin e tij të fundit “The Balkan Reconquista and Turkey’s Forgotten Refugee Crisis”.

Ai tha se në këtë libër trajton Luftën Ruso-Osmane, duke shtuar se kjo ishte një nga betejat më të ashpra të kohës, ku shumë persona humbë jetën ose u detyruan të migrojnë.

Holt tregoi se në libër ka përfshirë edhe histori të të shpërngulurve muslimanë të cilët u detyruan të migrojnë si pasojë e kësaj lufte. Në libër, tha ai, trajtohen edhe tema si sistemi shtetëror osman, nacionalizmi bullgar, antiturqizmi dhe orientalizmi.

Ai theksoi se teksa vuajtjet e të krishterëve para 142 viteve në luftë përmenden, ato të muslimanëve shpërfillen.

“Në Perëndim, masakrat me të cilat u përballën muslimanët, dhimbjet e tyre, thuajse nuk njihen aspak. Ndërkaq, këto ngjarje mohohen në Ballkan”, tha Holt.

Sipas tij, ekzistojnë informacione shumë të gabuara mbi ndikimin e Perandorisë Osmane në Ballkan.

“Në Perëndim, deri më tani kemi parë vetëm imazhin e një turku keqbërës. Sipas Perëndimit, turku gjithmonë ka qenë keqbërës, asnjëherë nuk ka qenë i shtypuri. Perëndimi asnjëherë nuk i ka shikuar turqit si viktima dhe të shtypur, ndërsa kur kanë folur për vuajtjet e turqve, gjithmonë i kanë nënvleftësuar ato”, tha historiani amerikan Holt.

Kush është William Holt?

Historiani amerikan Holt ka përfunduar studimet e magjistraturës mbi Lindjen e Mesme në Universitetin e Utah-s në vitin 2014.

Këtë vit, Shtëpia Botuese e Universitetit të Utah-s botoi librin e tij “The Balkan Reconquista and Turkey’s Forgotten Refugee Crisis”.

Holt është studiues i çështjeve historike në fushën e migrimit, linguistikës dhe kulturës.

Ai është njohës i nëntë gjuhëve, përfshirë edhe gjuhën turke.

Të ngjajshme

Katër policë të vdekur dhe 200 të tjerë të infektuar me COVID-19 në Kosovë

Kushtrim Guraj

Malajzia i dërgon Kosovës 1 milion maska dhe 30 mijë dorëza donacion

Kushtrim Guraj

Shkup, protestë kundër rritjes së çmimit të energjisë elektrike

Kushtrim Guraj

Turqia do t’i përgjigjet çdo intervenimi në Mesdheun Lindor

Kushtrim Guraj

Liderët kosovarë mirëpresin takimin Kosovë-Serbi në Washington

Kushtrim Guraj

Takim Kosovë-Serbi në Washington më 2 shtator

Kushtrim Guraj

Erdoğan diskuton zhvillimet në Mesdheun Lindor me kreun e Këshillit Evropian

Kushtrim Guraj

Ministri Selimi takon ambasadorin e Turqisë, Çağrı Sakar

Kushtrim Guraj

Erdoğan zhvillon bisedë telefonike me kancelaren Merkel

Kushtrim Guraj

* Nëse radiot nuk funksionojnë, Kliko KËTU