Rtv Pendimi

Në Tokio regjistrohet temperaturë rekord prej 41,1 gradë

Vala e ngrohtë e ajrit ka përfshirë Japoninë që nga fillimi i muajit, ndërsa në Tokio temperatura e ajrit dje arriti një rekord prej 41,1 gradësh celsius, raporton Anadolu Agency (AA).

Temperatura rekorde ndonjëherë e matur në Tokio dhe mbarë Japoninë u regjistrua në lagjen veriore Kugayama.

Në qendër të Tokios temperatura e ajrit arriti në 37 gradë, ndërsa në Nagoya 39.

Fundjavën e kaluar si pasojë e valës së nxehtë në Japoni vdiqën së paku 11 persona, ndërsa të paktën 30 persona në dy javët e para të korrikut.

Të shtunën qendra për ndihmë emergjente mjekësore në Tokio pranoi 3.099 thirrje qytetarësh, që është rekord që kur ekziston shërbimi i themeluar në vitin 1939.

Meteorologët paralajmërojnë se temperaturat e larta në Japoni mund të vazhdojnë edhe në ditët e ardhshme, ndërsa ekziston mundësia të përfshijnë edhe Korenë e Jugut.

TË NGJAJSHME