I mrekullueshëm je ti, atëherë kur ditët të ndajnë nga shoku apo i dashuri yt që e do për hir të Allahut, dhe dashuria jote mbetet e sinqertë për të, ashtu si është dhe nuk ndryshohet.
I mrekullueshëm je ti, atëherë kur vazhdon dhe e mbikëqyr nga larg, vetëm e vetëm të jesh rehat se ai është mirë.
I mrekullueshëm je ti, kur e gjen të pikëlluar dhe pikëllohesh për pikëllimin e tij. I ngrit duart e tua nga larg, pa e ndier atë, që t’ia fshish lotët, mirëpo të pengon largësia jote dhe hesht.
I mrekullueshëm je ti, kur e sheh se ai është në gjendje më të mirë dhe gëzohesh. Në fshehtësi, e vizaton në fytyrën tënde një buzëqeshje të sinqertë gëzimi dhe bën dua për të, pa e parë fare prezencën tënde në jetën e tij.
I mrekullueshëm je ti, kur i rikujton kujtimet dhe momentet e bukura mes jush dhe buzëqeshesh, e atë buzëqeshje e shoqëron loti dhe nuk ia përmend atij asnjë të keqe.
Nëse je ti ky person, dije se zemra jote është e bardhë si bora dhe se ti me të vërtetë je i mrekullueshëm.
Nga arabishtja: Irfan JAHIU