Do të vijë dita kur të gjithë do të shohin emrin tënd anash, dhe të gjejnë ty të ç’kyçur -Offline!
Të presin të dashurit e tu, e ti nuk do të kyçesh.
Të dërgojnë letra-email, e ti nuk do t’iu përgjigjesh!
Të presin me orë të tëra në messenger, e ti nuk do të hysh.
Gjendja jote vazhdon të jetë i ç’kyçur -Offline.
Atë ditë do të ndalet pjesëmarrja jote tek shumë njerëz, sepse ti veç e ke lënë këtë botë.
Nuk do të kesh mundësi të kyçesh për të komentuar apo kritikuar, apo t’i kërkosh falje atyre që iu ke bërë padrejtësi në atë që ke vepruar ndonjë ditë.
Ti më nuk je me ne!
Ti je atje, në gropën tënde të ngushtë.
Askush nuk mund të të shoqërojë në vetminë tënde.
Do të qash punët e tua.
Apo ka mundësi të shoqërohesh nga punët e tua!
Na ke braktisur dhe nuk na ka mbetur nga ti asgjë, pos asaj që ti ke shkruar me dorën tënde.
Kujdesu që rreshtat tu të jenë punë të mira që rrjedhin në varrin tënd!
Çdo njeri llogaritet për atë që ka vepruar!
Shpejto të ndryshosh dhe të përmirësohesh!
Përktheu: Valdet Kamberi