Rtv Pendimi
Lajme

OBI në seancën e jashtëzakonshme fton delegacionet e OKB, BE dhe OSBE

Me iniciativën e Republikës së Turqisë, Organizata e Bashkëpunimit Islam (OBI) nesër do të mbajë seancën e jashtëzakonshme, ku do të diskutohet sulmi terrorist i javës së kaluar në Zelandën e Re dhe dhunën gjithnjë e në rritje të shkaktuar nga islamofobia në botë, raporton Anadolu Agency (AA).

“Në cilësinë e kryesuesit të OBI-t, Turqia ka thirrur seancë të jashtëzakonshme të krerëve të diplomacisë të kësaj organizate për të diskutuar dhunën në rritje që buron nga islamofobia, racizmi dhe ksenofobia, siç ishte rasti i sulmit të fundit ndaj dy xhamive në Zelandën e Re”, ka thënë Ministria e Punëve të Jashtme të Turqisë.

Seanca do të mbahet në Stamboll dhe do të kryesohet nga kryediplomati i Turqisë, Mevlüt Çavuşoğlu.

Në takim janë ftuar dhe delegacione të disa organizatave ndërkombëtare, përfshirë Kombet e Bashkuara (OKB), Bashkimi Evropian (BE) dhe Organizata për Siguri dhe Bashkëpunim Evropian (OSBE).

Të paktën 50 persona u vranë në një sulm terrorist të premten gjatë namazit të xhumasë në dy xhami në qytetin Christchurch të Zelandës së Re.

Policia e Zelandës së Re arrestoi sulmuesin 28-vjeçar Brenton Harrison Tarrant nga Australia.

Të ngjajshme

Presidenti Thaçi: Feja në Kosovë në shërbim të forcimit të paqes dhe tolerancës

Urim Isma

Në Kosovë ka shkallë të ulët të ndëshkimit të korrupsionit

Urim Isma

Shpalosi në Tivar flamurin shqiptar, gjobitet 300 euro dhe dëbohet nga Mali i Zi

Urim Isma

Moti i keq në Itali, përmbytet për herë të tretë Venecia

Urim Isma

Ndotja e ajrit mund të shkaktojë “mjegulla vrasëse” në qytetet e mëdha

Urim Isma

Shqipëri, mbahet aktiviteti “Pejgamberi Muhamed dhe familja”

Kushtrim Guraj

Vëllezërit Sylejmani arrijnë suksese me restaurantin e tyre në Austri, për ta shkruajnë edhe gazetat austriake

Kushtrim Guraj

Inflacioni vjetor në BE mbetet në 1.1 për qind në tetor

Kushtrim Guraj

Turqia dhe SHBA bisedojnë për të zgjidhur çështjet F-35 dhe S-400

Kushtrim Guraj