Rtv Pendimi
Lajme

Pacolli: Kosova është mirënjohëse për kontributin e Turqisë

Agjencia Turke për Zhvillim dhe Koordinim (TIKA) ka shtruar iftar në kryeqytetin e Kosovës, Prishtinë, raporton Anadolu Agency (AA).

Në sofrën e iftarit të pranishëm ishin udhëheqës të lartë të institucioneve të Kosovës, udhëheqës të partive politike, deputetë, përfaqësues të organizatave qeveritare e joqeveritare, përfaqësues ndërkombëtarë, si dhe qytetarë të shumtë.

I pranishëm ishte edhe zv/kryeministri i Kosovës, njëherësh ministër i Punëve të Jashtme, Behgjet Pacolli, i cili lavdëroi punën e TIKA-s në Kosovë dhe tha se që nga viti 2004 ka realizuar rreth 700 projekte në arsim, shëndetësi, kulturë, bujqësi, blegtori e fusha tjera.

“Republika e Kosovës është mirënjohëse për kontributin e Republikës së Turqisë për stabilitetin, zhvillimin dhe promovimin e Kosovës në rrafshin ndërkombëtar, si dhe për ndihmën e deritanishme që lehtëson rrugëtimin e vendit tonë në integrimet euroatlantike”, tha Pacolli.

Ambasadori i Turqisë në Kosovë, Çağri Sakar, në fjalën e tij para të pranishmëve përmendi disa prej projekteve të realizuara nga TIKA viteve të fundit në Kosovë dhe theksoi se ajo do të vazhdojë me projekte të mëdha edhe në të ardhmen.

“TIKA jonë me veprat e shumta të saja që prekin jetën e kosovarëve, duke përcjellë njohuritë dhe përvojën e Turqisë në të gjitha fushat e jetës, nga lindja e një foshnje deri te një i sëmur që pret vdekjen, do të vazhdojë të qëndrojë pranë Kosovës në periudhën e ardhshme, ashtu siç ishte edhe në të kaluarën. Dëshirojmë që me secilën nga veprat dhe projektet tona, që janë të bërë nga dashuria, respekti dhe djersa e njeriut turk, të kontribuojnë në të ardhmen e Kosovës, të cilës ia kemi zgjatur dorën miqësore dhe vëllazërore”, tha Sakar.

Ai shfrytëzoi rastin edhe për t’i falënderuar dhe vlerësuar hapat e institucioneve të Kosovës për të luftuar organizatën terroriste FETO, çështje për të cilën bëri thirrje që të “merren masat e nevojshme kundër tyre, meqë gjenden ende në Kosovë”.

Iftari u hap me lexim të Kur’an-it, ndërsa lutjen pas iftarit i bëri kreu i Bashkësisë Islame të Kosovës (BIK), myftiu Naim Tërnava.

Të ngjajshme

MPB e Maqedonisë Veriore: Të mos përdoren fishekzjarret dhe të denoncohet shitja e tyre

Urim Isma

Borë në Korçë, trashësia shkon deri në 20 centimetra, reshje bore priten edhe në Kosovë

Urim Isma

Pas kthimit të Kurtit nga Gjermania, pritet takimi i ri me Mustafën

Urim Isma

Xhamitë shqiptare në Zvicër mblodhën mbi 500 000 franga për të prekurit nga tërmeti në Shqipëri

Urim Isma

KMDLNj: Ndërkombëtarët kanë bërë eksperimente me mbetjet mortore

Urim Isma

Karkalecat e shkretëtirës pushtojnë Bririn e Afrikës

Urim Isma

Erdoğan: Dhënia e Nobelit një racisti, shpërblim i shkeljeve të të drejtave të njeriut

Urim Isma

SHBA godet Serbinë, dhjetëra kompani pjesë e rrjeteve korruptive

Urim Isma

Familjet e personave të zhdukur që 20 vjet pa përgjigje

Urim Isma