Rtv Pendimi
Lajme

Plani B i Kosovës për kualifikim në ‘Euro 2020’: Detajet dhe datat e përballjeve

Kosova nuk arriti të kualifikohej në Kampionatin Evropian përmes fazës kualifikuese, meqë pas humbjes nga Republika Çeke i humbi gjasat matematikore për t’u kualifikuar nga Grupi A.

Mirëpo, gjasat për kualifikim akoma mbesin të hapura. Nga 24 përfaqësueset që do të jenë në ‘Euro 2020’, katër prej tyre do të zgjidhen përmes barazhit në Ligën e Kombeve.

Secila ligë (A, B, C, D) do ta ketë rrugëtimin e vet kualifikues. Fituesit e grupeve (në rastin tonë, Kosova si fituese e Grupit 3 në Ligën D) do të përballen me njëri-tjetrin dhe në fund do të caktohet fituesi i ligës (në rastin tonë i Ligës D) që do të sigurojë vizën për në Kampionatin e ardhshëm Evropian.

Fituesit e grupeve në Ligën D janë: Gjeorgjia me 16 pikë (Grupi 1), Bjellorusia me 14 pikë (Grupi 2), Kosova me 14 pikë (Grupi 3) dhe Maqedonia e Veriut me 15 pikë (Grupi 4).

Në vazhdim do të zhvillohen dy ndeshje gjysmëfinale. Gjeorgjia ndaj Bjellorusisë dhe Maqedonia e Veriut kundër Kosovës. Nikoqirë të ndeshjeve gjysmëfinale janë skuadrat me renditje më të mirë. Pra, Gjeorgjia luan si vendas kundër Bjellorusisë, ndërsa Maqedonia e Veriut e pret Kosovën.


Finalja do të zhvillohet ndërmjet fituesit të Gjysmëfinales 1 dhe fituesit të Gjysmëfinales 2, ndërsa se cila përfaqësuese do të jetë nikoqire do të caktohet përmes shortit.


Finalja e barazhit:
31.03.2020: Fituesi i Gjysmëfinales 1 – Fituesi i Gjysmëfinales 2 (Finalja kualifikuese)


Kampionati Evropian, ‘Euro 2020’, do të fillojë me ndeshjen e parë në Stadio Olimpico të Romës më 12 qershor 2020. Finalja e madhe do të zhvillohet më 12 korrik 2020 në Wembley Stadium të Londrës. /Telegrafi/

Të ngjajshme

Familjet e viktimave të Srebrenicës kujtojnë momentet e fundit me të dashurit e tyre

Kushtrim Guraj

Deklaratë nga Bashkësia Islame

Kushtrim Guraj

Turqia e kthen Aya Sofyan nga muze në xhami

Kushtrim Guraj

Viktimat e Gjenocidit të Srebrenicës u përcollën me lutje nga Sarajeva

Kushtrim Guraj

Turqia dhe OBSH firmosin marrëveshje për hapjen e zyrës në Stamboll

Kushtrim Guraj

Ambasadori i Kosovës në Ankara, Dugolli lëvdata masave të Turqisë kundër COVID-19

Kushtrim Guraj

Mbi 12 milionë raste me COVID-19 në të gjithë botën

Kushtrim Guraj

LAJMI I FUNDIT: 214 raste të reja me koronavirus në Kosovë

Kushtrim Guraj

Familjet e viktimave të Srebrenicës, pas 25 vitesh do t’i varrosin të dashurit e tyre

Kushtrim Guraj

* Nëse radiot nuk funksionojnë, Kliko KËTU