Rtv Pendimi
Lajme

Prishtinë, mbahet konferencë shkencore për 20-vjetorin e Ditës së Çlirimit

Universiteti i Prishtinës “Hasan Prishtina” për nder të 20-vjetorit të çlirimit të Kosovës ka organizuar konferencë shkencore me temë “Kosova 20 vjet liri dhe përpjekje”, raporton Anadolu Agency (AA).

Mbajtja e kësaj ngjarje shkencore, pati për qëllim shënimin e 12 Qershorit (Ditës së Çlirimit), me të ftuar të ndryshëm, studiues, punëtorë shkencorë nga fusha të ndryshme humane, sociale nga vendi dhe rajoni.

Dekani i Fakultetit të Historisë në Universitetin e Prishtinës, Bujar Dugolli, tha se Kosova arriti të bëhej pjesë e agjendave botërore në kohë lufte dhe zgjoi edhe interesimin e liderëve të atëhershëm politikë si të Bill Clinton, Madeline Albright, Tony Blair e tjerë.

“Rezultatet e kësaj konference duhet të shërbejnë si një bazë shkencore dhe profesionale për shpjegimin e domosdoshmërisë së përfshirjes së faktorit ndërkombëtar në çështjen e Kosovës para dhe pas luftës. Kosova sa do e vogël gjeografikisht, në luftën e saj të madhe u imponua në agjendat botërore. Madje, u bë pjesë e pandashme e biografisë politike të shumë personaliteteve të botës”, tha Dugolli.

Rektori i UP-së, Marjan Dema, ka kujtuar protestat studentore të viteve të 80-ta. “Roli i Universitetit të Prishtinës në lëvizjet shoqërore të Kosovës ka qenë vital meqë pikërisht UP-ja ishte foleja nga ku filluan dhe u ngritën çështjet më madhore të kombit tonë në gjysmë-shekullit të kaluar. Universitetit i Prishtinës doli në sipërfaqe për të ndërhyrë edhe në çështje politika pa të cilat ndërhyrje historia e kombit tonë shumë herë do të shkruhej ndryshe”, tha Demaj.

Ndër tezat bosht të kësaj konference të cilat do të shpalosen nga studiuesit janë gjatë ditës, janë: Rruga e Kosovës deri tek liria; Zhvillimi dhe rindërtimi i vendit pas luftës; Përballja me të kaluarën; Pavarësia e Kosovës si zgjidhje kompromisi; Mërgata shqiptare: kontributi i saj për Kosovën e të tjera.
Punimet e kësaj konference do të botohen në një numër të veçantë të Revistës shkencore “Buletini i Fakultetit Filozofik”.

Të ngjajshme

BE, strategjia e rimëkëmbjes në forcimin e teknologjisë së pastër dhe të gjelbër

Kushtrim Guraj

OKB nuk arriti të mbledhë fondin humanitar prej 2,4 miliardë dollarë për Jemenin

Kushtrim Guraj

OKB dërgon mbi 100 maune me ndihma në Idlib

Kushtrim Guraj

Kosovë, seanca për votimin e qeverisë së re do të mbahet të mërkurën

Kushtrim Guraj

Turqia u bën thirrje të rinjve të suksesshëm të vazhdojnë arsimimin në vend

Kushtrim Guraj

Turqia hap një spital tjetër të urgjencave në Stamboll

Kushtrim Guraj

Thaçi: Është hapur rruga për krijimin e qeverisë së re

Kushtrim Guraj

Qeveria e Kosovës shton masa të reja të reciprocitetit tregtar me Serbinë

Kushtrim Guraj

Arabia Saudite hap xhamitë, pezullimi vazhdon në Mekë

Kushtrim Guraj

* Nëse radiot nuk funksionojnë, Kliko KËTU