Rtv Pendimi

Prodhuesi i telefonave “Oppo” filloi fazën testuese të prodhimit në fabrikën në Turqi

Prodhuesi i telefonave “Oppo” filloi fazën testuese të prodhimit në fabrikën në Turqi

Ministri i Industrisë dhe Teknologjisë së Turqisë, Mustafa Varank, tha se prodhuesi kinez i smartphone-ve “Oppo” ka filluar fazën testuese të prodhimit në fabrikën në Turqi, e cila është aktualisht në ndërtim e sipër, transmeton Anadolu Agency (AA).

“Pritet që rreth 1.000 persona të punësohen në fabrikë kur ajo të fillojë prodhimin me kapacitet të plotë”, u shpreh Varank në një deklaratë.

Ai gjithashtu tha se nëntorin e kaluar filloi puna e ndërtimit të objektit, i cili ka një sipërfaqe të mbyllur prej 12 mijë metrash katrorë, duke shtuar se për tre muaj do të instalohet linja e prodhimit dhe të gjitha sistemet tjera.

“Prodhimet ‘Oppo’ me etiketën Made in Turkey (Prodhuar në Turqi) së shpejti do t’i kemi në treg”, theksoi ai.

Ministri Varank shtoi se investime të ngjashme të kompanive globale, të cilat janë të rëndësishme veçanërisht në produktet e teknologjisë së mesme dhe të lartë, do të vazhdojnë gjithnjë e më shumë në periudhën e ardhshme.

TË NGJAJSHME