Rtv Pendimi

Ratko Mlladiç dënohet me burgim të përjetshëm për gjenocid dhe krime të tjera lufte në BeH

Ratko Mlladiç dënohet me burgim të përjetshëm për gjenocid dhe krime të tjera lufte në BeH

Gjykata e Kombeve të Bashkuara (OKB) në Hagë ka mbështetur dënimin me burg të përjetshëm të vitit 2017 për gjeneralin serb, Ratko Mladiç, për rolin e tij në gjenocid dhe krime të tjera lufte në Bosnjë e Hercegovinë (BeH), raporton Anadolu Agency (AA).

Mlladiç, i njohur po ashtu si “Kasapi i Bosnjës”, pa sukses apeloi dënimin e tij për gjenocidin dhe krime kundër njerëzimit në gjykatën në Hagë.

Seanca filloi pasi u shty disa herë për shkak të problemeve shëndetësore të Mlladiçit dhe pandemisë së koronavirusit të ri (COVID-19).

78-vjeçari udhëhoqi forcat gjatë masakrës së muslimanëve boshnjakë gjatë Luftës së Bosnjës në vitet e 90’ta.

Ai po ashtu u zbulua se kishte “përgjegjësi të konsiderueshme” për gjenocidin e mbi 8 mijë burrave dhe djemve muslimanë të kryer në Srebrenicë në vitin 1995.

Në vitin 2017, për Gjykatën Penale Ndërkombëtar për Ish-Jugosllavinë (ICTY) në Hagë gjyqtarët unanimisht zbuluan fajtor Mlladiçin për fajësinë e tij në vrasjet e Srebrenicës, që ndodhën kah fundi i luftës së egër tre-vjeçare civile të vendit.

“Kasapi i Bosnjës”

Mlladiç dikur ishte njeriu më i kërkuar i Evropës pas rolit të tij në Luftën e Bosnjës në vitet 1992-1995.

Ai ishte komandant i Ushtrisë së Republika Srpska, e cila u formua në BeH në fillim të luftës civile të vendit mes shpërbërjes së Jugosllavisë.

Mlladiç dhe forcat nën komandën e tij ishin të lidhur me gjenocidin e kryer në Bosnjë, veçanërisht në Srebrenicë, një mizori më e keqe e Evropës që nga Lufta e Dytë Botërore, pasi forcat serbe pushtuan një enklavë që supozohej se ishte nën mbrojtjen e paqeruajtësve të OKB-së.

Megjithatë, Mlladiç po ashtu është i njohur për rrethimin e përgjakshëm 1.425-ditor të Sarajevës nga forcat e tij, një rrethim më i gjatë i një kryeqyteti në historinë e luftës moderne.

Pas përfundimit të luftës me Marrëveshjen e Dejtonit të 21 nëntorit të vitit 1995, Mlladiç ishte i arratisur për më shumë se një dekadë.

Një ndjekje 15-vjeçare përfundoi në vitin 2011 kur Mlladiç u gjet dhe iu dorëzua gjykatës së Hagës për gjykim.

Gjykimi i Mlladiçit filloi më 16 maj të vitit 2012 dhe përfundoi me përmbledhje në dhjetor të vitit 2016.

Gjykimi mbi 500-ditor thirri 591 dëshmitarë dhe pa pothuajse 10 mijë prova të pranuara nga gjykata.

I arratisuri përballet me drejtësinë

Mlladiç ka lindur më 12 mars të vitit 1942 në Kalinovik, zonë e BeH-së.

Mlladiç u trajnua në Akademinë Ushtarake të Ushtrisë Popullore Jugosllave (JNA) në Beograd. Ai së pari shërbeu në JNA, pastaj në Ushtrinë e Republikës Srpska (VRS), e cila u formua në Bosnjë-Hercegovinë pasi Jugosllavia u nda.

VRS u themelua në fillim të luftës në Bosnjë, më 12 maj të vitit 1992 dhe Mlladiç ishte komandanti i saj. Forcat e JNA-së në Bosnjë u shndërruan gjithashtu në njësi të VRS-së.

Pas përfundimit të luftës me Marrëveshjet e Dejtonit të vitit 1995, Mlladiç u arratis për më shumë se një dekadë para se të kapej dhe gjykohej nga viti 2012 deri në 2016.

TË NGJAJSHME