Për 4-5 persona duhen:
– 1 kg patate,
– 4-5 lugë gjelle vaj,
– 3 lugë uthull,
– 1 qepë,
– 2 lugë mustardë,
– kripë, piper i zi dhe
– pak majdanoz.
Marrim patatet, i lajmë mirë dhe i ziejmë të paqëruara në ujë të vluar me kripë për 20-25 minuta. Pasi të jenë zier, kullohen dhe shpërlahen me ujë të ftohtë që t’u hiqet më lehtë lëkura, pastaj i presim në rrota të vogla dhe të holla dhe i vendosim në një enë të madhe, u hedhim vaj, uthull, kripë, piper, majdanoz të grirë imët, 2 lugë gjelle mustardë, qepën e grirë në formë gjysmërrethi dhe pak ujë. I përziejmë mirë me gishtërinjtë e dy duarve në mënyrë që të mos thërmohen patatet derisa ta kenë thithur pothuaj të gjithë lëngun në mënyrë që të bëhet një salcë që i mbështjellë të gjitha patatet, pa u ngjitur këto me njëra-tjetrën dhe i lëmë të qëndrojnë 10-15 minuta që salca të thithet mirë dhe kështu sallata është gati. Kjo sallatë i përshtatet çfarëdo lloji të mishit të pjekur.
Përgatiti: Blerta Shaqiri