Samsung, lideri global i telefonave të mençur mobil që pritet ta lëshojë gjeneratën e re të telefonit të saj Galaxy S6 vitin e ardhshëm, besohet se tani është duke punuar në një model tjetër me specifika të avancuara, të cilin do ta lëshojë edhe para Galaxy S6 – për ta rikuperuar profitin e humbur nga shitja e dobët e telefonit të saj të fundit, S5.
Sipas një listimi zyrtar të Samsung thuhet se modeli i ri i telefonit i koduar me shifrën SM-G430 është konfirmuar, dhe madhësia e ekranit të këtij modeli do të jetë me 5.5 inç.
Ekzistenca e Samsung SM-G430 më pas është konfirmuar edhe nga portali indian për importe dhe eksporte Zauba, i cili thotë se çmimi i këtij modeli do të jetë rreth 326 funta.
Karakteristikat e tjera të modelit të ri të telefonit të Samsung janë zbuluar aksidentalisht nga vetë faqja e Samsung.
Sipas informacioneve aktuale thuhet se Samsung SM-G430 do të ofrojë ekranin me 5.5 inç dhe rezolucion prej 1080 x 1920 pikselëve, Android 4.4.4 KitKat, si dhe procesorin 2.5GHz quad-core Qualcomm Snapdragon 801.
Megjithatë, për detajet tjera rreth këtij modeli është ende herët të flitet, mirëpo besohet se Samsung nuk do të kursehet në tentimin e saj për ta krijuar një model të avancuar, pas dështimeve me shitjet e telefonave të saj, në nivel global. (T)