Samsung ka bashkuar forcat me rivalin Sony për të sjellë shërbimin e PlayStation Now në gamën e re të televizorëve të saj të mençur, të cilët do të vijnë në gjysmën e parë të vitit të ardhshëm.
Televizorët e rinj të Samsung do t’ua mundësojnë përdoryesve të luajnë video lojërat e PlayStation, pa pasur nevojë për konsolën e PlayStation. E vetmja gjë që ju nevojitet është një kontrollues Sony DualShock.
PlayStation Now në Samsung TV do të jetë në dispozicion si një aplikacion që mund të merret përmes Smart Hub, dhe do të mbështesë të gjitha funksionet, duke përfshirë aftësinë për të fituar trofe brenda lojës, të mundësojë lojrat online me miqtë, dhe ta ruani lojën tuaj në cloud.
“Ne jemi të ngazëllyer për bashkëpunimin me PlayStation për të dhënë edhe më shumë vlera argëtuese në platformën tone të televizorëve të mençur” tha Youngchan Kim, Zëvendës President në Samsung Electronics.
Aktualisht, shërbimi është në versionin beta, dhe ofron rreth 200 tituj të konsolës PS3, edhe pse Sony planifikon të ofrojë edhe titrat e PS2 dhe PS4 shumë shpejt. (T)