Rtv Pendimi
Lajme

Seminar për defektologjinë në Shkup, organizuar nga TIKA

Agjencia Turke për Koordinim dhe Zhvillim (TIKA) në bashkëpunim me Universitetin Ndërkombëtar Ballkanik (IBU) dhe Shtëpia e shëndetit Shkup organizuan seminarin edukativ të titulluar “Seminar për defektologjinë”, raporton Anadolu Agency (AA).

Koordinatori i TIKA-s në Shkup, Aytekin Ayden tha se për seminarin ka shumë interes nga i gjithë territori i Republikës së Maqedonisë së Veriut.

“Ne si TIKA, sot në Maqedoninë e Veriut fillojmë një seminar trajnimi të posaçëm që përmban katër module. Me seminarin qëllimi është të ngremë vetëdijen për autizmin. Gjithashtu edhe arsimimi i masave më të mëdha për atë, qoftë ajo të jetë mësues të shkollave ose trajnimi i ekspertëve, profesionistëve të cilët punojnë në qendrat e kujdesit shëndetësor dytësor”, tha Ayden, duke shtuar se ata presin që në seminar të marrin pjesë më shumë se 200 pjesëmarrës dhe se çdo muaj do të mbahet nga një modul, deri në gjithsej katër module, me dy ekspertë nga Turqia.

Ai gjithashtu vuri në dukje se pas përfundimit të Seminarit për defektologjinë së bashku me Ministrinë e Shëndetësisë dhe Ministrinë e Punës dhe Politikës Sociale të Maqedonisë së Veriut dhe OJQ-ve, planifikojnë të organizojnë projekte të reja.

Zeynep Erden, drejtore e programeve arsimore në Fondacionin Anadolu të Autizmit – Izmir, vuri në dukje se projektit për defektologët është shumë i rëndësishëm për individët, familjet dhe ekspertët në këtë fushë.

“I pari nga katër modulet e veçanta do të përfundojë sot. Jam shumë i kënaqur që jam në këtë projekt, i cili synon të edukojë edukatorët se si të zhvillojnë programe të nevojshme për personat me aftësi të kufizuara. Ky projekt është shumë i rëndësishëm për individët, familjet dhe natyrisht edukatorët”, tha Zeynep Erden, duke shtuar se sipas hulumtimit në botë, nga 59 fëmijë 1 lind me autizëm.

Lidija Tërpevska Popovska, drejtore e Shtëpisë së shëndetit – Shkup, tha se ajo dhe të gjithë të punësuarit në çdo ditë të re janë fillestarë të punës së tyre, sepse të gjithë fëmijët janë të ndryshëm dhe të veçantë.

Ajo gjithashtu theksoi se të gjitha këto vite që kanë kaluar dhe që do të vijnë, fëmijët do të jenë gjithmonë sfida jonë profesionale dhe t’u ndihmojmë sa më shumë që të mundemi që të jeni më të mirë, duke u dhënë atyre një shembull se nuk ka pengesa në jetë, por vetëm sfida që kanë nevojë për t’u kapërcyer.

“Ne jemi krenar që jemi pjesë e këtij seminari”, tha Şener Bilal, zëvendës Drejtor i Universitetit Ndërkombëtar Ballkanik në Shkup duke vënë në dukje se ky lloj i seminareve është shumë i rëndësishëm për studentët dhe arsimtarët në arsimin e mesëm dhe fillor për të rritur ndërgjegjësimin për autizmin.

Në seminar marrin pjesë një numër i madh i defektologëve, mësuesve parashkollorë, psikologëve, pedagogëve, terapistëve, punonjësve socialë, logopedë, studentë të fushës dhe familjeve të interesuara.

Të ngjajshme

MPB e Maqedonisë Veriore: Të mos përdoren fishekzjarret dhe të denoncohet shitja e tyre

Urim Isma

Borë në Korçë, trashësia shkon deri në 20 centimetra, reshje bore priten edhe në Kosovë

Urim Isma

Pas kthimit të Kurtit nga Gjermania, pritet takimi i ri me Mustafën

Urim Isma

Xhamitë shqiptare në Zvicër mblodhën mbi 500 000 franga për të prekurit nga tërmeti në Shqipëri

Urim Isma

KMDLNj: Ndërkombëtarët kanë bërë eksperimente me mbetjet mortore

Urim Isma

Karkalecat e shkretëtirës pushtojnë Bririn e Afrikës

Urim Isma

Erdoğan: Dhënia e Nobelit një racisti, shpërblim i shkeljeve të të drejtave të njeriut

Urim Isma

SHBA godet Serbinë, dhjetëra kompani pjesë e rrjeteve korruptive

Urim Isma

Familjet e personave të zhdukur që 20 vjet pa përgjigje

Urim Isma