Rtv Pendimi
Lajme

SHBA-ja thotë se paratë e naftës në Siri do t’i marrin kurdët

Pentagoni thotë se të ardhurat nga fushat e naftës në veri-lindje të Sirisë, që mbrohen nga forcat e SHBA-së, do të shkojnë për luftëtarët aleatë kurdë dhe jo në arkat e Uashingtonit.

“Të ardhurat nuk do të shkojnë në SHBA, ato do t’i shkojnë SDF-së”, tha zëdhënësi i Pentagonit, Jonathan Hoffman, duke iu referuar Forcave Demokratike Siriane të udhëhequra nga kurdët.

Qëllimi është që të lejojmë SDF-në të ketë “aftësinë për të punuar në ndërtimin e forcës së tyre në fushatën për zhdukjen e ISIS-it”, shtoi Hoffman, duke përdorur një emër alternativ për grupin terrorist të Shtetit Islamik (IS).

“Kështu po parandalohet ISIS-i që të marrë të ardhura nga nafta”, ka thënë ai, përcjell rel.

SDF-ja ka qenë një aleat kryesor dhe ka marrë mbështetje ushtarake në luftën kundër IS-it në rajonin sirian afër kufirit turk.

Admirali amerikan, William Byrne, tha se kur militantët kontrollonin fushat e naftës në vitin 2015, ata ishin në gjendje të fitonin rreth 1.5 milionë dollarë në ditë, për të ndihmuar në financimin e sulmeve në vend dhe jashtë tij.

“Ne thjesht nuk do të lejojmë që kjo të ndodhë përsëri”, tha ai.

Turqia nisi një ofensivë kundër forcave të drejtuara nga kurdët, më 9 tetor, pasi presidenti i SHBA-së Donald Trump njoftoi se po tërhiqte pjesën më të madhe të trupave amerikane nga Siria verilindore.

Trump mori kritika për këtë vendim, pasi ai u pa si një “tradhti” ndaj aleatëve kurdë.

Megjithatë administrata e Trumpit ka thënë se disa trupa do të mbeten për të ndihmuar që resurset e naftës të mos bien në duart e militantëve të IS-is.

Të ngjajshme

Grenell në Prishtinë: Dëshirojmë të bëjmë progres në këtë rajon

Urim Isma

“Mbi 600 protestues të vdekur gjatë demonstratave në Irak”

Urim Isma

Pas zjarreve dhe stuhisë, Australia përballet me kërcënimin e merimangave helmuese

Urim Isma

Shoqata “Jetimat e Ballkanit” ndan edhe 10 shtëpi për familjet e pastreha në Lipjan

Urim Isma

29 vjet nga rihapja e xhamisë së Et’hem Beut në Tiranë pas komunizmit (VIDEO)

Kushtrim Guraj

Alarmante: Numër i madh i vetëvrasjeve në Kosovë

Hevzi Hasani

Kancelarja gjermane Angela Merkel kërkon embargo të armëve ndaj Libisë

Urim Isma

Instituti i Shëndetësisë: Ajri i pashëndetshëm – mos dilni jashtë pa ndonjë nevojë të domosdoshme

Urim Isma

Në mungesë të qeverisë, zgjidhja për buxhetin bie mbi Kuvendin

Urim Isma